فيديو: طرح عددين مُكوَّنين من عدة أرقام

احسب ٦٠٣٩٠٧ − ٤٨٦١٣٥.

٠٢:٠٤

‏نسخة الفيديو النصية

احسب ستمية وتلاتة ألف تسعمية وسبعة ناقص ربعمية ستة وتمانين ألف مية خمسة وتلاتين.

عايزين نُجري عملية الطرح اللي عندنا دي رأسيًّا، هنحطّ العددين تحت بعض، ونتأكد إن إحنا حاطّين الرقم اللي في الآحاد تحت الرقم اللي في الآحاد، واللي في العشرات تحت اللي في العشرات، وهكذا؛ عشان نحصل على ناتج طرح دقيق. هنبدأ نطرح من خانة الآحاد.

سبعة ناقص خمسة هيبقى ناتج الطرح اتنين. وبعدين صفر ناقص تلاتة، مش هينفع نطرح التلاتة من الصفر؛ عشان التلاتة أكبر من الصفر، فهنشوف الخانة المكانية اللي قبلها، اللي هي فيها تسعة، هناخد منها واحد، فيصبح فيها تمنية، والصفر ده هيصبح عشرة. دلوقتي نقدر نطرح، عشرة ناقص تلاتة، هيبقى ناتج الطرح سبعة. وبعدين نطرح تمنية ناقص واحد، فيبقى ناتج الطرح سبعة.

هنطرح تلاتة ناقص ستة، ما ينفعش نطرح ستة من التلاتة؛ عشان الستة أكبر من التلاتة، فهنشوف الخانة المكانية اللي قبلها، هنلاقي إن فيها صفر، مش هينفع ناخد منه واحد، فهنشوف الخانة المكانية اللي قبل الصفر، اللي هي فيها ستة، هناخد منها واحد، فهيصبح فيها خمسة، والصفر اللي في الخانة المكانية دي هيصبح فيه عشرة، نرجع ناخد منه واحد، فالعشرة دي تصبح تسعة، والتلاتة اللي عندنا هنا هتبقى تلتاشر. دلوقتي نقدر نطرح، تلتاشر ناقص ستة، يبقى ناتج الطرح سبعة. وبعدين نطرح تسعة ناقص تمنية، يبقى ناتج الطرح واحد، وبعدين نطرح خمسة ناقص أربعة، يبقى ناتج الطرح واحد.

يبقى كده قدرنا نستنتج إن ستمية تلاتة ألف تسعمية وسبعة ناقص ربعمية ستة وتمانين ألف مية خمسة وتلاتين هيساوي مية وسبعتاشر ألف سبعمية اتنين وسبعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.