فيديو: تحديد هل هناك علاقة تناسب بين كميتين أم لا

هل الجدول الآتي يوضِّح علاقة نسبية بين عدد الصفحات المقروءة ﻡ والزمن ﻥ؟

٠٢:٥٧

‏نسخة الفيديو النصية

هل الجدول الآتي يوضّح علاقة نسبية بين عدد الصفحات المقروءة م، والزمن ن؟

علشان نعرف إذا كان الجدول بيوضّح علاقة نسبية بين عدد الصفحات المقروءة والزمن، هنشوف هل النسبة بين كل قيمتين تحت بعض متساوية ولّا لأ. فأول قيمتين النسبة ما بينهم تلاتة على أربعة، إلى عشرة.

بعدين هنشوف القيمتين اللي بعد كده، فهُم واحد وواحد على اتنين، إلى عشرين. فهنقسم الطرفين على اتنين، فالنسبة هتبقى واحد وواحد على اتنين على اتنين، إلى عشرين على اتنين. فهنحوّل العدد الكسري واحد وواحد على اتنين إلى كسر غير فعلي، وده بإننا هنضرب العدد الصحيح في المقام، ونجمع ناتج الضرب مع البسط؛ فواحد في اتنين هيساوي اتنين، زائد واحد هيبقى تلاتة، ونكتب التلاتة على نفس المقام اللي هو اتنين. ونحوّل عملية القسمة لعملية ضرب، ونقلب الاتنين اللي هي في الأصل اتنين على واحد، فنخلّيها واحد على اتنين؛ فكده الطرف الأيسر للنسبة هيبقى تلاتة على اتنين، في واحد على اتنين؛ فالنسبة دي هتساوي … الطرف الأيمن تلاتة على اتنين، في واحد على اتنين؛ تلاتة في واحد هيساوي تلاتة، على … اتنين في اتنين هيساوي أربعة؛ إلى … الطرف الأيسر عشرين على اتنين هيساوي عشرة؛ فهنلاحظ إن النسبة بين القيمتين بقت تلاتة على أربعة إلى عشرة، زي النسبة بين القيمتين اللي في الأول.

بعد كده هنشوف آخر قيمتين؛ اتنين وواحد على أربعة إلى تلاتين، فنقسم الطرفين على تلاتة، فالنسبة هتبقى اتنين وواحد على أربعة على تلاتة، إلى تلاتين على تلاتة. بنفس الطريقة نحوّل العدد الكسري إلى كسر غير فعلي فهيبقى تسعة على أربعة، ونحوّل عملية القسمة لضرب، ونقلب التلاتة على واحد فنخلّيها واحد على تلاتة. وباستخدام التبسيط هنقسم بسط الكسر الأول على تلاتة فهيساوي تلاتة، ونقسم مقام الكسر التاني على تلاتة فهيساوي واحد. كده النسبة هتبقى … الطرف الأيمن هيساوي تلاتة على أربعة في واحد، يعني تلاتة على أربعة، إلى … الطرف الأيسر تلاتين على تلاتة هيساوي عشرة.

فهنلاحظ إن النسبة بين آخر قيمتين هي تلاتة على أربعة إلى عشرة، برضو زي أول قيمتين؛ وبالتالي يبقى الجدول يوضح علاقة نسبية بين عدد الصفحات المقروءة والزمن.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.