فيديو: استخدام التغير الطردي

إذا كانت ﺱ تتغير طرديًّا مع ﺹ، ﺱ = ١٥ عندما ﺹ = ٢٥، فما قيمة ﺱ عندما ﺹ = ٥؟

٠١:٢٢

‏نسخة الفيديو النصية

إذا كانت س تتغير طرديًّا مع الـ ص، والـ س بتساوي خمستاشر عندما الـ ص تساوي خمسة وعشرين، فما قيمة الـ س عندما الـ ص تساوي خمسة؟

الـ س بتتغير طرديًّا مع الـ ص. يبقى معنى كده إن لمّا الـ س بتزيد، الـ ص بتزيد. يبقى فيه علاقة تناسُب ما بين الـ س والـ ص مباشرةً. يبقى الـ س هتساوي ثابت مضروب في الـ ص. وعلشان نوجد قيمة الـ س لمّا الـ ص تساوي خمسة، يبقى عايزين نوجد معادلة ما بين الـ س والـ ص.

معطى الـ س بتساوي خمستاشر لمّا تكون الـ ص بخمسة وعشرين. يعني هنا لو الـ س بخمستاشر والـ ص بخمسة وعشرين، نقدر نوجد قيمة الثابت. يبقى الثابت هيساوي خمستاشر على خمسة وعشرين. هنبسّط البسط والمقام، هنبسطها، هتبقى تلاتة على خمسة. يبقى علاقة الـ س بالـ ص هي س تساوي تلاتة على خمسة ص.

بمعلومية قيمة الـ ص إنها تساوي خمسة، نقدر نوجد الـ س. يبقى الـ س هتساوي تلاتة على خمسة، في خمسة، هتساوي تلاتة. يبقى الـ س تساوي تلاتة، لمّا الـ ص تساوي خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.