فيديو: إيجاد محيط دائرة بمعلومية قطرها

يوجد مساران دائريان يمكن المشي فيهما في طريق محلي لرياضة المشي لمسافات طويلة. إذا كان قطر أحدهما يساوي ١٦٨ ياردة، ونصف قطر الآخر يساوي ٥٠ ياردة، فأوجِد المسافة الأبعد التي يمكن أن يسيرها شخصٌ ما في المسار الأطول، لأقرب جزء من عشرة.

٠٣:٠٠

‏نسخة الفيديو النصية

يوجد مساران دائريان يمكن المشي فيهما في طريق مَحلّي لرياضة المشي لمسافات طويلة. إذا كان قطر أحدهما يساوي مائة وثمانية وستون ياردة، ونصف قطر الآخر يساوي خمسون ياردة، فأوجد المسافة الأبعد التي يمكن أن يسيرها شخصٌ ما في المسار الأطول، لأقرب جزء من عشرة.

عشان نعرف المسافة الأبعد اللي ممكن حد يمشيها في المسار الأطول، محتاجين نحسب محيط المسارين الدائريين، بعدين نوجد الفرق ما بينهم. محيط الدائرة بيساوي اتنين 𝜋 نق؛ حيث نق هو نصف قطر الدائرة. فالمسار الأول كان قطره مية وتمنية وستين ياردة، وبالتالي نصف قطره هيساوي مية تمنية وستين على اتنين، اللي هيساوي أربعة وتمانين ياردة؛ فهيبقى محيطه بيساوي اتنين 𝜋 في نق، اللي هيساوي أربعة وتمانين. وباستخدام الآلة الحاسبة، ده هيساوي تقريبًا خمسمية سبعة وعشرين، وسبعة آلاف وتمنمية وستة وسبعين من عشرة آلاف ياردة.

وعشان نقرّبه لأقرب جزء من عشرة، هنشوف الرقم المكتوب في الأجزاء من مية؛ فإذا كان الرقم أربعة أو أقل، فده معناه إن مش هيحصل أي تغيُّر في الأجزاء من عشرة؛ أما إذا كان الرقم خمسة أو أكتر، فده معناه إننا هنضيف واحد للأجزاء من عشرة. فهنلاقي الرقم هو تمنية، وده معناه إننا هنضيف واحد للسبعة من عشرة؛ يبقى محيط المسار الأول هيساوي تقريبًا، بالتقريب لأقرب جزء من عشرة، خمسمية وسبعة وعشرين، وتمنية من عشرة ياردة.

محيط المسار التاني هيساوي اتنين 𝜋 في نصف قطر المسار التاني، اللي هو خمسين ياردة. فباستخدام الآلة الحاسبة، ده هيساوي تقريبًا تلتمية وأربعتاشر، وألف وخمسمية واتنين وتسعين من عشرة آلاف ياردة. فبرضو هنقرّبه لأقرب جزء من عشرة. فهنشوف الرقم المكتوب في الأجزاء من مية، هنلاقيه خمسة، فبالتالي هنضيف واحد للأجزاء من عشرة؛ يبقى محيط المسار التاني هيساوي تقريبًا تلتمية وأربعتاشر، واتنين من عشرة ياردة.

ده معناه إن المسافة الأبعد، اللي ممكن يسيرها شخص ما في المسار الأطول، هتساوي محيط المسار الأول ناقص محيط المسار التاني، وده هيساوي خمسمية وسبعة وعشرين وتمنية من عشرة ناقص تلتمية وأربعتاشر واتنين من عشرة، وده هيساوي بعد إجراء عملية الطرح ميتين وتلتاشر وستة من عشرة ياردة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.