فيديو السؤال: التحليل إلى عوامل أولية الرياضيات

نسخة الفيديو النصية

ما التحليل الأولي للعدد تمنتاشر؟ اكتب إجابتك في صورة حاصل ضرب العوامل الأولية مثل خمسة في سبعة. أو في صورة عدد أولي واحد مثلًا تلتاشر. أ: تمنتاشر. ب: اتنين. ج: تلاتة. د: اتنين في تسعة. ﻫ: اتنين في تلاتة في تلاتة.

مطلوب في السؤال إننا نحلّل العدد تمنتاشر إلى عوامله الأولية، وهنكتبه في صورة حاصل ضرب العوامل الأولية. هنلاحظ إنه العدد تمنتاشر ليس عددًا أوليًّا. وبالتالي نقدر نحلّله إلى عوامله الأولية. يعني نقدر نكتب العدد تمنتاشر على صورة حاصل ضرب أعداد أولية.

في البداية العدد تمنتاشر هو عبارة عن حاصل ضرب اتنين في تسعة. هنلاحظ إنه اتنين عدد أولي. أما التسعة ليس عددًا أوليًّا. وبالتالي نقدر نحلل التسعة إلى عوامله الأولية. التسعة هو عبارة عن حاصل ضرب تلاتة في تلاتة. هنلاحظ إنه التلاتة عدد أولي.

وبكده هنكون انتهينا من تحليل العدد تمنتاشر إلى عوامله الأولية. يعني العوامل الأولية للعدد تمنتاشر هي اتنين وتلاتة وتلاتة.

مطلوب في السؤال إننا نكتب الإجابة في صورة حاصل ضرب العوامل الأولية. إذن أقدر أقول إنه تمنتاشر هيساوي حاصل ضرب اتنين في تلاتة في تلاتة. يعني لمّا هنرجع للاختيارات هنلاحظ إنه الاختيار الصحيح هو اختيار ﻫ: اتنين في تلاتة في تلاتة.