فيديو: امتحان الإحصاء للعام السابق • ٢٠١٨/٢٠١٧ • السؤال الأول

امتحان الإحصاء للعام السابق • ٢٠١٨/٢٠١٧ • السؤال الأول

٠٢:٠٣

‏نسخة الفيديو النصية

إذا كان احتمال وقوع الحدث أ بشرط وقوع الحدث ب، يساوي واحد على تلاتة. واحتمال الحدث ب يساوي اتناشر على خمسة وعشرين. فأوجد احتمال حدوث الحدث أ والحدث ب معًا.

يعني معطى عندنا احتمال شرطي، واللي هو احتمال وقوع الحدث أ بشرط وقوع الحدث ب. أو بنقدر نقول ل أ بشرط ب. والمطلوب إننا نوجد ل أ تقاطع ب.

وفي البداية خلينا نعرف إن احتمال وقوع الحدث أ بشرط وقوع الحدث ب، بيتحدد بالعلاقة دي: ل أ بشرط ب، بيساوي ل أ تقاطع ب على ل ب؛ حيث ل ب أكبر من الصفر.

فهنبدأ نعوّض في العلاقة اللي عندنا دي عن ل أ بشرط ب بواحد على تلاتة. وهنعوض عن ل ب باتناشر على خمسة وعشرين. فهيبقى عندنا واحد على تلاتة بيساوي ل أ تقاطع ب على، اتناشر على خمسة وعشرين.

بعد كده هنضرب طرفَي المعادلة في اتناشر علي خمسة وعشرين. وعملنا كده علشان نقدر نختصر اتناشر عَ الخمسة وعشرين اللي في المقام هنا، مع اتناشر على خمسة وعشرين اللي هنا. فهيتبقى عندنا ل أ تقاطع ب. فبالتالي هيبقى ل أ تقاطع ب بيساوي … وهنضرب اتناشر على خمسة وعشرين في واحد على تلاتة. فهنضرب البسط في البسط يعني اتناشر في واحد، واللي بتساوي اتناشر. وأما في المقام فهنضرب خمسة وعشرين في تلاتة، واللي بتساوي خمسة وسبعين. بعد كده نقدر نختصر الكسر اتناشر على خمسة وسبعين، عن طريق إننا نقسم البسط والمقام على تلاتة. فهيبقى عندنا في البسط اتناشر على التلاتة، فلمّا نحسبها هتبقى بتساوي أربعة. وأما في المقام فلمّا نقسم خمسة وسبعين على تلاتة، هتبقى بتساوي خمسة وعشرين. وبالتالي هتبقى ل أ تقاطع ب بتساوي أربعة على خمسة وعشرين. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.