تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة المضروب لإيجاد مجاهيل ثم استخدامها لإيجاد قيمة تباديل أخرى

أحمد لطفي

إذا كان مضروب (٤/٣)ﻥ = ٧٢٠، فأوجد قيمة (^ﻥ)ﻝ_٥.

٠٣:٢٢

‏نسخة الفيديو النصية

إذا كان مضروب تلاتة على أربعة ن بيساوي سبعمية وعشرين، فأوجد قيمة ن ل خمسة.

في البداية، لو كان عندنا مثلًا مضروب ن، فمضروب ن هيساوي ن مضروب في، ن ناقص واحد، مضروبة في، ن ناقص اتنين، مضروبة في، نقط، مضروبة في تلاتة، مضروبة في اتنين، مضروبة في واحد. وبالتالي عشان نقدر نوجد قيمة ن المعطاة إن مضروب تلاتة على أربعة ن بيساوي سبعمية وعشرين، محتاجين نوجد عوامل العدد سبعمية وعشرين.

هنلاحظ إن مضروب العدد دايمًا لازم يوصل لواحد في الآخر. وبالتالي هنبدأ من واحد، فهنقول: سبعمية وعشرين على واحد هيساوي سبعمية وعشرين. تاني حاجة هنلاحظ إن الواحد هتكون مضروبة في اتنين، فهنقول: سبعمية وعشرين على اتنين هيساوي تلتمية وستين. وبعدين تلتمية وستين على تلاتة هيساوي مية وعشرين. مية وعشرين على أربعة هيساوي تلاتين. تلاتين على خمسة هيساوي ستة. وستة على ستة هيساوي واحد. وبالتالي عوامل العدد سبعمية وعشرين كانت واحد، واتنين، وتلاتة، وأربعة، وخمسة، وستة.

يبقى هنقول: إن مضروب تلاتة على أربعة ن بيساوي سبعمية وعشرين؛ يعني هيساوي … هنكتب سبعمية وعشرين في صورة ستة، في خمسة، في أربعة، في تلاتة، في اتنين، في واحد؛ يعني ممكن نكتبها في صورة مضروب ستة. وبالتالي هيكون عندنا مضروب تلاتة على أربعة ن هيساوي مضروب ستة. يعني هيكون عندنا تلاتة على أربعة ن هيساوي ستة. لو عايزين نوجد قيمة ن، هنضرب الطرفين في أربعة على تلاتة، فهيكون عندنا ن بتساوي تمنية. يبقى كده قدرنا نوجد قيمة ن.

لو عايزين نوجد قيمة ن ل خمسة، هنعوّض عن ن بتمنية، فهيكون عندنا محتاجين نوجد تمنية ل خمسة. هنفتكر لو كان عندنا ن ل ر، فـ ن ل ر بتساوي … فـ ن ل ر بتساوي ن مضروبة في، ن ناقص واحد، مضروبة في، ن ناقص اتنين، مضروبة في، نقط، مضروبة في، ن ناقص ر زائد واحد.

وبالتالي عشان نقدر نوجد قيمة تمنية ل خمسة، فهتساوي … أول حاجة عندنا هتكون تمنية، وآخر حاجة هتكون تمنية ناقص خمسة زائد واحد، اللي هي بتساوي أربعة. يعني تمنية ل خمسة هتساوي تمنية، في سبعة، في ستة، في خمسة، في أربعة. أو ممكن نقول: إننا هنبدأ بتمنية، وهننقص واحد كل مرة وعددهم خمسة. يعني عندنا واحد، اتنين، تلاتة، أربعة خمسة. وبالتالي تمنية ل خمسة بتساوي تمنية، في سبعة، في ستة، في خمسة، في أربعة؛ هيساوي ست آلاف سبعمية وعشرين.

يبقى كده قدرنا نوجد قيمة ن ل خمسة لمّا كانت ن بتساوي تمنية، وكانت بتساوي: ست آلاف سبعمية وعشرين.