فيديو: طرح عددين حتى العدد ٩

٨ − _ = ٧.

٠١:٠٩

‏نسخة الفيديو النصية

تمنية ناقص عدد مجهول يساوي سبعة.

إحنا عايزين نوجد العدد اللي لو طرحناه من العدد تمنية هيطلع ناتج عملية الطرح يساوي سبعة.

لو عندنا كروت مكتوب عليها الأعداد من واحد لتمنية. يا ترى نشيل منها قدّ إيه عشان يصبح الكروت الموجودة آخِر حاجة فيها بتحمل العدد سبعة؟

هنشيل منها كارت واحد بس. وده معناه إن تمنية ناقص واحد يساوي سبعة. وده معناه إن العدد المجهول اللي لو طرحناه من تمنية يصبح ناتج الطرح يساوي سبعة، هو: العدد واحد.

وممكن نحلّها بطريقة تانية لإيجاد العدد المجهول. هنرسم خط الأعداد، ونحطّ عليه العدد تمنية. عملية الطرح بتمثّل حركة على خط الأعداد جهة اليسار. طب هنتحرّك قدّ إيه جهة اليسار عشان نوصل لناتج عملية الطرح اللي هو سبعة؟

هنلاقي إن إحنا احتجنا نتحرّك خطوة واحدة بس جهة اليسار. يعني بمقدار واحد.

يبقى برضو باستخدام خط الأعداد قدِرنا نعرف إن العدد المجهول اللي لو طرحناه من تمنية يدّينا ناتج طرح سبعة، هو: العدد واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.