فيديو: الأجزاء من الكل

يوضح الفيديو تعريف الأجزاء من الكل، وكيفية كتابتها وقراءتها، وأمثلة عليها.

٠٣:١٠

‏نسخة الفيديو النصية

الأجزاء من الكل.

في الفيديو ده هنتكلم عن تعريف، وكتابة، وقراءة الأجزاء من الكل. الكسر هو عدد يعبّر عن جزء من كل، أو من مجموعة. وبيكون مكوّن من عددين. البسط، وهو عدد الأجزاء المتساوية. والمقام، وهو عدد الأجزاء المتساوية الكل. يعني مثلًا في الدائرة اللي هتظهر قدامنا، فيه تلات أجزاء متلوّنة، وجزء واحد مش متلوّن. فنقدر نعبّر عن الأجزاء المتلوّنة، بالشكل ده. حيث تلاتة هي البسط، وأربعة هي المقام.

نحل شوية أمثلة. نتنقل لصفحة تانية. لو معانا دائرة بالشكل ده، فما الكسر المعبّر عن الأجزاء الملوّنة؟ لو بصّينا في الشكل، هنلاقي إن عدد الأجزاء الملوّنة هو أربعة. فالكسر المعبّر عن الشكل هيتكتب بالشكل ده. وبنقرؤه: أربع أسداس، أو أربعة على ستة. يعني أربعة على ستة من الشكل ملوّن.

نتنقل لصفحة تانية، ونحل مثال تاني. إيه هو الكسر المعبّر عن الشكل اللي هيظهر؟ من الشكل، هنلاقي الأجزاء المظلّلة عددها واحد. وعدد الأجزاء الكلي أربعة. فهيبقى الكسر المعبّر عن الأجزاء المظلّلة، بالشكل ده. وبنقرؤه: رُبع، أو واحد على أربعة. يعني واحد على أربعة من الشكل مظلل.

ممكن نستخدم أشكال مختلفة للتعبير عن نفس الكسر. نتنقل لصفحة تانية، ونشوف إزاي. قام طلاب مدرسة بزراعة حديقة المدرسة. فزرعوا واحد على تلاتة من الحديقة بالخضروات. والمطلوب رسم شكل يعبّر عن الكسر.

يبقى الكسر هو واحد على تلاتة. فممكن نرسم مستطيل، ونقسّمه لتلات أجزاء بالشكل ده. ونلوّن جزء واحد من التلاتة. فهيبقى الجزء الملوّن هو المعبّر عن الخضروات. أو ممكن نعبّر عن الكسر باستخدام الدائرة مثلًا، فهيبقى بالشكل ده. وفي الحالتين الشكل بيكون معبّر عن واحد على تلاتة، أو تِلت.

وبكده نبقى خلّصنا الفيديو ده. اللي اتكلمنا فيه عن تعريف، وكتابة، وقراءة الأجزاء من كل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.