فيديو: تحديد الشكل الذي يمثل المعادلة المُعطاة لدائرة

أيُّ من الأشكال التالية يُمثِّل الدائرة: (ﺱ + ٤)^٢ + (ﺹ − ٤)^٢ = ١٦؟ [أ] شكل أ [ب] شكل ب [ج] شكل ﺟ [د] شكل د

٠٢:٢٥

‏نسخة الفيديو النصية

أيّ الأشكال التالية يُمثِّل الدائرة: س زائد أربعة لكل تربيع، زائد ص ناقص أربعة لكل تربيع، تساوي ستاشر؟

بنلاقي إن الاختيارات المتاحة هي: أ، وَ ب، وَ ج، وَ د. ومطلوب تحديد الاختيار الصحيح. أول حاجة هنكتب الصيغة العامة لمعادلة الدايرة. بنلاقي إن الصيغة القياسية لمعادلة دايرة، مركزها أ وَ ب. وطول نصف قطرها ر. عبارة عن: س ناقص أ لكل تربيع، زائد ص ناقص ب لكل تربيع، تساوي ر تربيع.

بعد كده هنكتب المعادلة المذكورة في السؤال، في الصورة القياسية. وده هيخلّينا نقدر نحدّد مركز الدايرة دي، ونصف قطرها. وبالتالي هنحدّد أيّ الاختيارات التالية هي الاختيار الصحيح. فشكل معادلة الدايرة المذكورة في السؤال، هيكون كالتالي. س ناقص سالب أربعة لكل تربيع، زائد ص ناقص أربعة لكل تربيع، تساوي أربعة تربيع. وبكده يبقى قيمة أ تساوي سالب أربعة. وقيمة ب تساوي أربعة. وقيمة ر تساوي أربعة. يبقى نقدر نكتب: مركز الدائرة هو: سالب أربعة، وأربعة. ونصف قطرها يساوي أربعة.

بنشوف بعد كده الاختيارات. وأيّ دايرة من الدواير الآتية، بنلاقي إن مركزها هو: سالب أربعة، وأربعة. بنلاقي إن الاختيار ب هو الاختيار الصحيح، زيّ ما إحنا شايفين كده. مركز الدايرة سالب أربعة، وأربعة. ونصف قطرها أربعة. وبالتالي يبقى الإجابة هتكون عبارة عن الاختيار ب. يبقى من خلال كتابة المعادلة في الصورة القياسية، قدرنا نحدّد أيّ الأشكال التالية تخصّ معادلة الدايرة المذكورة في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.