فيديو: إيجاد نقطة البيانات المجهولة في مجموعة بيانات بمعلومية المتوسط

في لعبة الطاولة، أحرز ماجد، ٢٢، ١١، ٢٣، ١٩، ١٧ نقطة في خمسة أدوار. أوجد أقل عدد من النقاط يجب إحرازه في الدور السادس ليكون متوسط نتائجه ١٧ نقطة على الأقل.

٠٣:٣٥

‏نسخة الفيديو النصية

في لعبة الطاولة، أحرز ماجد، اتنين وعشرين، وحداشر، وتلاتة وعشرين ، وتسعتاشر، وسبعتاشر نقطة، في خمسة أدوار. اوجد أقل عدد من النقاط يجب إحرازه في الدور السادس، ليكون متوسط نتائجه سبعتاشر نقطة على الأقل.

أول حاجة لازم نكتب قانون المتوسط. بنلاقي إن متوسط النتائج يمكن حسابه كالتالي: مجموع النتائج على عددها. من خلال السؤال، فهمنا إن مجموع نتائج ماجد لازم متوسطها يكون سبعتاشر نقطة على الأقل. طب إيه هي مجموع نتائج ماجد؟ بنلاقي إنها عبارة عن مجموع نتائجه في الخمس أدوار زائد النتيجة اللي هيحرزها في الدور السادس. وبالتالي هنفترض الآتي: هنفترض إن س هي نتيجة الدور السادس.

وبما إن متوسط النتائج لازم على الأقل يكون سبعتاشر نقطة، يعني ممكن يبقى أكبر من أو يساوي سبعتاشر. وبالتالي نقدر نعوّض عن المتوسط بمجموع النتائج. النتائج عندنا عبارة عن اتنين وعشرين زائد حداشر زائد تلاتة وعشرين زائد تسعتاشر زائد سبعتاشر زائد س، على عددهم ستة، أكبر من أو يساوي سبعتاشر. بنلاقي إن الطرف اليمين للمتباينة هيكون عبارة عن اتنين وتسعين زائد س، على ستة، أكبر من أو تساوي سبعتاشر.

بعد كده هنبدأ نعزل المتغير س، وده هيتمّ عن طريق ضرب الطرفين في ستة. وبما إن ستة عدد صحيح موجب، فبالتالي مش هيغيّر من علامة المتباينة. وبنلاقي إن الطرف اليمين للمتباينة هيبقى عبارة عن اتنين وتسعين زائد س، والطرف الشمال هيكون عبارة عن ستة في سبعتاشر، فبنلاقي إن الناتج يساوي مائة واتنين.

بعد كده بنكمّل وبنطرح اتنين وتسعين من الطرفين. بنطرح من الطرف اليمين للمتباينة اتنين وتسعين، فبنلاقي الطرف اليمين هيصبح س. وبنطرح من الطرف الشمال اتنين وتسعين، فبنلاقي إن الطرف الشمال هيصبح عشرة. وبالتالي يبقى قيم س التي تتحقّق هذه المتباينة هي قيم س التي أكبر من أو تساوي عشرة.

وبكده يبقى أقل عدد من النقاط يجب إحرازه في الدور السادس، عشر نقاط؛ وده عشان يكون متوسط نتائج ماجد على الأقل سبعتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.