فيديو: المثلثات في الهندسة المستوية

أوجِد محيط الشكل الموضَّح ومساحته.

٠٢:٢٧

‏نسخة الفيديو النصية

اوجد محيط الشكل المقابل ومساحته.

مدّيني شكل، وطالب مني المحيط والمساحة. فهبدأ أولًا بالمحيط، وأكتب القانون بتاع المحيط. محيط الشكل هو عبارة عن مجموع أطوال الأضلاع التي يتكوّن منها الشكل. وعشان نسهّل على نفسنا، ممكن نسمّي الشكل ده أ ب ج د، ونسمّي النقطتين دول هـ وَ و، على سبيل التسهيل، ونشوف الشكل ده بيتكون من إيه. الشكل ده عبارة عن أ ب زائد ب ج زائد ج د زائد أ د. أ د دي عبارة عن أ هـ زائد هـ و زائد و د، يعني ستّاشر زائد عشرين زائد ستّاشر، هتبقى اتنين وخمسين ملليمتر. وبالتعويض عن أ ب بعشرين، ب ج عشرين، ج د عشرين، أ د اتنين وخمسين سنتي [ملليمتر]، هينتج إن محيط الشكل هيساوي مية واتناشر ملليمتر.

عشان نجيب المساحة بقى، لازم أعرف أولًا الشكل ده على شكل إيه؛ هل هو مستطيل، هل هو دايرة، هل هو متوازي مستطيلات. أنا مدّيني معلومة مهمة جدًّا إن ب هـ اتناشر مللي، وَ و ج أيضًا اتناشر مللي، فبالتالي دول هيبقوا متساويين. وطالما إن البعدين العموديين متساويين، يبقى هينتج من كده إن أ د هيوازي ب ج، وبالتالي هيكون الشكل شبه منحرف؛ لأن أنا عندي أ د بيوازي ب ج، بينما أ ب لا يوازي ج د، ونكتب القانون المساحة بتاع شبه المنحرف.

مساحة شبه المنحرف بيساوي نص مجموع القاعدتين في الارتفاع. القاعدتين؛ عندنا القاعدة الكبرى أ د اتنين وخمسين مللي، والقاعدة الصغرى ب ج عشرين مللي، والارتفاع ب هـ أو ج و، مش هتفرق، اتناشر مللي، نعوّض بيهم. مجموع … النص هينزل زي ما هو، مجموع القاعدتين اتنين وخمسين زائد عشرين، والارتفاع بتاعنا اتناشر ملليمتر.

ويبقى مساحة الشكل الموجود أمامنا ربعمية اتنين وتلاتين ملليمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.