فيديو: جمع عدد مكوَّن من رقمين مع مضاعف العدد ١٠ باستخدام خط الأعداد

يمكن جمع مضاعفات العدد ١٠ بسهولة باستخدام خط الأعداد. اصنع قفزتين على خط الأعداد مقدار كل منهما ١٠ لإيجاد الإجابة: ٢٧ + ٢٠ = _.

٠٢:٣١

‏نسخة الفيديو النصية

يمكن جمع مضاعفات العدد عشرة بسهولة باستخدام خط الأعداد. اصنع قفزتين على خط الأعداد، مقدار كلٍّ منها عشرة، لإيجاد الإجابة: سبعة وعشرين زائد عشرين تساوي نقط.

يعني إيه الكلام ده؟ السؤال بيقول لنا إن إحنا بسهولة بنجمع العشرة ومضاعفاتها باستخدام خط الأعداد. عندنا خط الأعداد ده، وهنجمع عليه. هنجمع عليه إيه؟ سبعة وعشرين زائد عشرين. طب هنجمعهم إزاي؟ هنعمل قفزتين؛ يعني دي كده قفزة أو نطّة، ودي كده إيه؟ قفزة أو نطّة، مقدار كلٍّ منها عشرة؛ ما هو إحنا لمّا عايزين نجمع عشرين، والنطّة الواحدة أو القفزة الواحدة بعشرة؛ يبقى إحنا المفروض نعمل إيه؟ قفزتين؛ عشان نبقى جمعنا عشرين.

طيب عايزين نفهم أكتر خط الأعداد، دلوقتي إحنا بنجمع سبعة وعشرين زائد عشرين. أول حاجة هنبصّ عليها على خط الأعداد هي السبعة وعشرين، وهنجمع عليها عشرين؛ يعني هنطّ بعدها نطتين، كل نطّة بعشرة؛ عشان تبقى عشرة وعشرة عشرين، والناتج نكتبه.

النطّة العشرة دي معناها عشر دوائر من اللي عندنا دول؛ آدي واحد، اتنين، تلاتة، أربعة، خمسة، ستة، سبعة، تمنية، تسعة، عشرة؛ دي كده قفزة. وتاني قفزة: واحد، اتنين، تلاتة، أربعة، خمسة، ستة، سبعة، تمنية، تسعة، عشرة.

كده إحنا زوّدنا عشرين، عشرة وعشرة، على كام؟ عَ السبعة وعشرين. من سبعة وعشرين لحدّ هنا سبعة وتلاتين؛ لأنها قفزة واحدة بعشرة، خلّت العشرين، تلاتين. ومن سبعة وتلاتين لحدّ هنا، خلّتها سبعة وأربعين؛ لأن قفزة واحدة عَ التلاتين عشرة تخليها أربعين.

فده معناه إن سبعة وعشرين بعدها بقفزتين، يعني بعدها بعشرين، تخلّي الناتج بتاعنا هو سبعة وأربعين؛ يبقى الناتج الجمع هنا سبعة وأربعين.

كده إحنا جمعنا سبعة وعشرين زائد عشرين باستخدام خط الأعداد بسهولة، من غير ما نقعد نعدّ عشرين على إيدينا. فهمناها ببساطة إن الأول سبعة وعشرين عليهم عشرة، سبعة وتلاتين؛ عليهم كمان عشرة، سبعة وأربعين؛ يبقى الناتج سبعة وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.