فيديو: الجمع الرأسي

يوضح الفيديو طريقتى الجمع الأفقي والرأسي باستخدام قطع الدومينو، من خلال مجموعة من الأمثلة.

٠٩:١١

‏نسخة الفيديو النصية

الجمع الرأسي.

هنتعلم في الدرس ده إزاي نقدر نُجري عملية الجمع، سواء أفقيًّا أو رأسيًّا.

في الجمع الأفقي بتبقى الأعداد مكتوبة جنب بعض بالشكل ده. أما في الجمع الرأسي بنكتب الأعداد تحت بعض بالشكل ده، وبنحط هنا ناتج الجمع.

هنشوف دلوقتي الجمع الأفقي والرأسي من خلال قطع الدومينو. عايزين نجمع عدد النقط اللي ظاهرين على جانبين قطعة الدومينو. هنعدّ الأول النقط الموجودة على الجنب اليمين؛ واحد، اتنين، تلاتة. كده عندنا أول عدد هو تلاتة. وبعدين هنعدّ النقط الموجودة على الجانب الآخر؛ واحد، اتنين.

يبقى دلوقتي إحنا بنجمع تلاتة زائد اتنين. عشان نجيب ناتج عملية الجمع، محتاجين نعدّ كل النقط اللي موجودة على قطعة الدومينو مع بعض؛ واحد، اتنين، تلاتة، أربعة، خمسة. كده إحنا عدّينا النقط كلها، ولقينا إن مجموع النقط هو خمسة. يبقى عرفنا إن تلاتة زائد اتنين الناتج هيساوي خمسة.

نقدر نجري نفس عملية الجمع اللي قدامنا دي بس بشكل رأسي. يعني هنحط عدد النقط اللي في الجزء اللي فوق على قطعة الدومينو اللي هو تلاتة، زائد عدد النقط اللي في الجزء اللي تحت اللي هو اتنين. وبعدين هنعمل خط كده، نحط بعده عدد النقط الكلي، اللي هو ناتج الجمع.

هنعدّ النقط تاني؛ واحد، اتنين، تلاتة، أربعة، خمسة. بالفعل هو ده الناتج اللي حصلنا عليه لمّا عملنا عملية الجمع أفقيًّا.

هنجيب صفحة جديدة ونشوف مجموعة أخرى من الأمثلة. دلوقتي عندنا مجموعة من الأمثلة اللي فيها عمليات جمع مختلفة، بعضها جمع أفقي وبعضها جمع رأسي.

هنبدأ بأول عملية عندنا، ونشوف عدد النقاط اللي موجود على الجانب الأيمن من قطعة الدومينو؛ واحد، اتنين، تلاتة، أربعة، خمسة. يبقى عندنا بنجمع أول حاجة العدد خمسة. وبعدين هنشوف عدد النقاط اللي موجود على الجانب الشمال أو الجانب الأيسر من قطعة الدومينو. هنلاقي إنها واحد.

يبقى دلوقتي إحنا عايزين نجيب ناتج جمع خمسة زائد واحد. هنعدّ قطع … عفوًا … النقاط اللي موجودة على قطعة الدومينو كلها؛ واحد، اتنين، تلاتة، أربعة، خمسة، ستة. يبقى عدد النقاط الكلي اللي موجودة على قطعة الدومينو هو ستة. وده بيمثل ناتج الجمع.

ولو بصّينا على السؤال رقم اتنين، هنلاقي إن هي نفس عملية الجمع بس معمولة بطريقة رأسية. فعندنا في الجزء العلوي من قطعة الدمينو موجود عدد خمسة من النقاط؛ واحد، اتنين، تلاتة، أربعة، خمسة. يبقى هنكتب عدد النقاط اللي في الجزء العلوي هنا. وفي الجزء السفلي عندنا نقطة واحدة. يبقى هنكتب هنا عدد النقاط اللي في الجزء السفلي. وبعدين هنجمعهم ونشوف عدد النقاط الكلي اللي هو هيبقى نفس العدد في المثال السابق، اللي هو ستة. وبنكتب هنا ناتج الجمع.

في المثال رقم تلاتة هنبتدي نشوف عدد النقاط اللي موجودة على الجانب اليمين من قطعة الدومينو؛ واحد، اتنين، تلاتة، أربعة. ونكتب العدد هنا. وبعدين نعدّ عدد النقاط اللي موجودة على الجانب الشمال أو الجانب الأيسر؛ واحد، اتنين، تلاتة. ونكتب العدد هنا.

دلوقتي إحنا عايزين نجيب عدد النقاط الكلية اللي موجودة على قطعة الدومينو، يعني عايزين نجيب ناتج جمع أربعة زائد تلاتة. هنبتدي نعدهم كلهم مع بعض؛ واحد، اتنين، تلاتة، أربعة، خمسة، ستة، سبعة. يبقى كده عدد النقاط الكلية اللي على قطعة الدومينو هو سبعة، وهو ده ناتج جمع أربعة زائد تلاتة.

وآخر مثال موجود عندنا في الصفحة، هو نفسه المثال السابق بس معمول بطريقة رأسية. فهنكتب العدد اللي بيمثّل عدد النقاط اللي في الجزء العلوي من قطعة الدومينو هنا. وتحته العدد اللي بيمثّل عدد النقاط اللي في الجزء السفلي من قطعة الدومينو. وناتج الجمع بنكتبه هنا، اللي هو نفس ناتج الجمع في المثال السابق. يبقى أربعة زائد تلاتة بيساوي سبعة.

هنجيب صفحة جديدة ونكمّل مجموعة أخرى من الأمثلة.

هنبتدي نشوف أول مثال عندنا. نبتدي نعدّ عدد النقاط اللي موجودة على الجانب الأيمن؛ واحد، اتنين، تلاتة، أربعة، خمسة، ستة. نكتب عدد النقاط هنا. وبعدين نعدّ النقاط اللي موجودة على الجانب الأيسر؛ هنلاقيها نقطة واحدة. دلوقتي عايزين ناتج جمع ستة زائد واحد. يبقى هنعدّ كل النقاط الموجودة على قطعة الدومينو؛ واحد، اتنين، تلاتة، أربعة، خمسة، ستة، سبعة.

كده عرفنا إن عدد النقط الكلي اللي موجود على قطعة الدومينو هو سبعة، واللي بيمثل ناتج جمع ستة زائد واحد.

لو بصينا على المثال رقم اتنين، هنلاقي إن هي نفس عملية الجمع بس مكتوبة بطريقة رأسية. هنحط الأعداد تحت بعض ونجري نفس عملية الجمع. أول حاجة هنكتب ستة عدد النقاط اللي موجودة على الجزء العلوي من قطعة الدومينو. وتحته هنحط عدد النقاط اللي على الجزء السفلي من قطعة الدومينو اللي هو واحد. وناتج الجمع هيبقى زي المثال السابق اللي هو سبعة، واللي بيمثل عدد النقاط كلها اللي موجودة على قطعة الدومينو.

دلوقتي هنشوف المثال رقم اتنين. هنبتدي نشوف عدد النقاط اللي موجودة على الجانب اليمين؛ واحد، اتنين، تلاتة، أربعة، خمسة. يبقى عندنا هنا خمس نقاط. هنشوف عدد النقاط اللي موجودة على الجانب الشمال؛ واحد، اتنين، تلاتة. يبقى هنكتب العدد التلاتة. دلوقتي عايزين نجيب ناتج جمع خمسة زائد تلاتة؛ يعني عايزين نشوف عدد النقط الكلي اللي موجود على قطعة الدومينو.

هنعدهم دلوقتي؛ واحد، اتنين، تلاتة، أربعة، خمسة، ستة، سبعة، تمنية. يبقى عدد النقط الكلي هو تمنية. يبقى كده عرفنا إن ناتج جمع خمسة زائد تلاتة بيساوي تمنية.

السؤال رقم أربعة هو نفس عملية الجمع بس مكتوبة بشكل رأسي. هنكتب العدد الأول وتحته العدد التاني. يبقى خمسة زائد تلاتة. وتحتهم بعد الشرطة اللي مكتوبة دي بنحط ناتج عملية الجمع اللي هو نفس الناتج السابق، اللي هو تمنية. واللي بيمثل عدد النقاط الكلية الموجودة على قطعة الدومينو.

هنشوف المثال رقم خمسة. وعدد النقط اللي موجود على الجانب اليمين من قطعة الدومينو؛ واحد، اتنين. يبقى هنكتب العدد اتنين. وبعدين نعدّ النقاط الموجودة على الجانب الأيسر أو الجانب الشمال؛ واحد، اتنين، تلاتة، أربعة. هنكتب العدد أربعة. كده إحنا محتاجين نجيب ناتج جمع اتنين زائد أربعة. يعني عايزين نعدّ عدد النقاط الكلية اللي موجودة على قطعة الدومينو؛ واحد، اتنين، تلاتة، أربعة، خمسة، ستة.

يبقى عدد النقاط الكلية اللي موجودة هو ستة. واللي بيمثل ناتج جمع اتنين زائد أربعة. لو شُفنا السؤال رقم ستة، هنلاقي إن هي هي نفس عملية الجمع بس مكتوبة بشكل رأسي. بنكتب العدد الأول، وتحته العدد التاني المراد جمعه. وبعد ما نجمع بنحط خط، ونحط ناتج الجمع بعد الخط، اللي هو ستة نفس ناتج الجمع اللي حصلنا عليه في المثال السابق.

عرفنا في الدرس ده إزاي نقدر نجري عملية الجمع أفقيًّا أو رأسيًّا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.