فيديو: قراءة البيانات من القطاعات الدائرية التي تتضمن نسبًا مئوية

يوضح القطاع الدائري نتائج استطلاع رأي عن الفاكهة التي يفضلها الطلاب. إذا أكمل ١٠٠ طالب الاستطلاع، فكم طالبًا يفضّل البرتقال أو الخوخ؟

٠٢:٣٧

‏نسخة الفيديو النصية

يوضّح القطاع الدائري نتائج استطلاع رأي عن الفاكهة التي يفضّلها الطلاب. إذا أكمل مائة طالب الاستطلاع، فكم طالبًا يفضّل البرتقال أو الخوخ؟

المطلوب منّنا في السؤال نحدّد كم طالب يفضّل البرتقال أو الخوخ. كلمة «أو» دي معناها إننا بنجمّع عدد الطلاب اللي بيفضّلوا البرتقال، مع عدد عدد الطلاب اللي بيفضّلوا الخوخ. بحيث تبقى المجموعة اللي عندنا، فيها الطلاب اللي بيفضّلوا البرتقال، والطلاب اللي بيفضّلوا الخوخ؛ مجموعين مع بعض.

زيّ ما إحنا شايفين في الرسم. عدد الطلاب اللي بيفضّلوا البرتقال، ممثَّل بالقطاع الدائري، اللي قيمته خمسة وتلاتين في المية. بما إن عدد الطلاب الكلي هو مية طالب، اللي أجرينا عليهم استطلاع الرأي. فيبقى ده معناه إننا هنضرب النسبة المئوية. اللي هي خمسة وتلاتين في المية، أو بنكتبها على صورة كسر بالطريقة دي: خمسة وتلاتين على مية. هنضربها في مية، اللي هو بيمثّل عدد الطلاب الكلي، اللي أُجري عليه استطلاع الرأي. فكده يصبح عدد الطلاب اللي بيفضّلوا البرتقال، هو خمسة وتلاتين طالبًا.

عايزين نشوف دلوقتي عدد الطلاب اللي بيفضّلوا الخوخ. لو رُحنا للقطاع الدائري اللي بيمثّل الطلاب اللي بيفضّلوا الخوخ. هنلاقي النسبة المئوية اللي فيه مجهولة. مجموع النسب اللي بتمثّل كل الخيارات اللي موجودة في القطاعات الدائرية، لازم يبقى بيساوي مية في المية.

ده معناه إننا لمّا نجمع النسبة المئوية للطلاب اللي بيفضّلوا البرتقال، اللي هي خمسة وتلاتين في المية. زائد النسبة المئوية للطلاب اللي بيفضّلوا التفاح، اللي هم تلاتين في المية. زائد النسبة المئوية للطلاب اللي بيفضّلوا الموز، اللي هي خمستاشر في المية. زائد النسبة المئوية للطلاب اللي بيفضّلوا الخوخ، اللي هي النسبة المجهولة. لازم ناتج جمع النسب دي كلها، يطلع بيساوي مية في المية.

فكده نقدر نستنتج نسبة الطلاب اللي بيفضّلوا الخوخ، اللي هي هتبقى بتساوي عشرين في المية. يبقى عدد الطلاب اللي بيفضّلون الخوخ، هيبقى عبارة عن عشرين في المية. بنقدر نكتبها على الصورة دي: عشرين على مية. نضرب النسبة دي، في عدد الطلاب الكلي اللي أُجريت عليه الدراسة أو استطلاع الرأي. وبكده هنقدر نستنتج عدد الطلاب اللي بيفضّلوا الخوخ، اللي هو هيطلع عشرين طالب.

يعني كده دلوقتي سهل إن إحنا نقدر نوجد عدد الطلاب اللي بيفضّلوا الخوخ، أو البرتقال. بإننا نجمع عدد الطلاب اللي بيفضّلوا الخوخ، على عدد الطلاب اللي بيفضّلوا البرتقال. فهنجمع عشرين زائد خمسة وتلاتين. فهيبقى المجموع بيساوي خمسة وخمسين طالبًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.