تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: المقارنة بين الأعداد العشرية والكسور

أحمد مدحت

هل ٠٫٨٩ أقل من أم أكبر من أم يساوي ناتج قسمة ٦ على ٧؟

٠٤:٠٦

‏نسخة الفيديو النصية

هل تسعة وتمانين من مية أصغر من، أم أكبر من، أم يساوي ناتج قسمة ستة على سبعة؟

أول حاجة هنوجد ناتج قسمة ستة على سبعة. فهنستخدم طريقة القسمة المطولة. وهنقسم ستة على سبعة. لمّا هنقسم ستة على سبعة، هنلاحظ إن المقسوم اللي هو ستة، أقل من المقسوم عليه اللي هو سبعة. فعلشان نقدر نقسم، هنضيف للمقسوم صفر. وهنكتب علامة عشرية في خانة الناتج.

بعد كده هنقسم ستين على سبعة. ستين ما بيقبلش القسمة على سبعة. فهنشوف أقرب عدد يكون أقل من ستين، وبيقبل القسمة على سبعة. فهنلاقي إن ستة وخمسين بيقبل القسمة على سبعة. وستة وخمسين عبارة عن تمنية في سبعة. فهنكتب تمنية في ناتج القسمة. وبعد كده هنضرب تمنية في سبعة. وتمنية في سبعة، يساوي ستة وخمسين. بعد كده هنطرح ستة وخمسين من ستين. وستين ناقص ستة وخمسين، يساوي أربعة.

هنلاحظ إن القسمة لسّه ما انتهتش. فهنضيف صفر جنب الأربعة. وبعد كده هنقسم أربعين على سبعة. والعدد أربعين ما بيقبلش القسمة على سبعة. فهنشوف أقرب عدد يكون أقل من أربعين، وبيقبل القسمة على سبعة. هنلاقي خمسة وتلاتين بيقبل القسمة على سبعة. وهو عبارة عن خمسة في سبعة. فهنكتب خمسة في خانة الناتج. بعد كده هنضرب خمسة في سبعة. وخمسة في سبعة، يساوي خمسة وتلاتين. فهنكتب خمسة وتلاتين. بعد كده هنطرح خمسة وتلاتين من أربعين. والأربعين ناقص خمسة وتلاتين، يساوي خمسة.

هنلاحظ إن القسمة لسّه ما انتهتش. فهنضيف للخمسة، صفر. وبكده هنقسم خمسين على سبعة. والعدد خمسين ما بيقبلش القسمة على سبعة. فهنشوف أقرب عدد لخمسين، ويكون أقل منه، وبيقبل القسمة على سبعة. فهنلاقي العدد تسعة وأربعين بيقبل القسمة على سبعة. وتسعة وأربعين عبارة عن سبعة في سبعة. فهنكتب سبعة في خانة الناتج. بعد كده هنضرب سبعة في سبعة. وسبعة في سبعة، يساوي تسعة وأربعين. فهنكتب تسعة وأربعين. ونطرحها من خمسين. وخمسين ناقص تسعة وأربعين، يساوي واحد.

هنلاحظ إن القسمة لسّه ما انتهتش فهنضيف صفر للواحد. وهنقسم عشرة على سبعة. هنلاقي إن العدد عشرة ما بيقبلش القسمة على سبعة. فهنشوف أقرب عدد لعشرة، ويكون أقل منه، وبيقبل القسمة على سبعة. فهنلاقي العدد سبعة هو اللي بيقبل القسمة على سبعة. وهو عبارة عن واحد في سبعة. فهنكتب واحد في خانة الناتج. وهنضرب واحد في سبعة. وواحد في سبعة، يساوي سبعة. فهنكتب سبعة. ونطرح السبعة من العشرة. وعشرة ناقص سبعة، يساوي تلاتة.

هنلاحظ إن لسّه فيه باقي، اللي هو تلاتة. وده معناه إن القسمة لسّه ما انتهتش. ولو فضلنا نكمّل، هنلاقي القسمة غير منتهية. لكن إحنا عايزين نقارن بين ناتج قسمة ستة على سبعة، وعدد عشري اللي هو تسعة وتمانين من مية. واللي أقل خانة عشرية فيه، هي خانة الأجزاء من مية.

وعلشان نقارن بين العدد العشري تسعة وتمانين من مية، وناتج قسمة ستة على سبعة. محتاجين إن العدد العشري الناتج من قسمة ستة على سبعة، تكون أقل خانة عشرية فيه، هي خانة الأجزاء من ألف. فبالتالي من خلال القسمة المطولة اللي إحنا عملناها. نقدر نقول إن ناتج قسمة ستة على سبعة، لأقرب جزء من ألف، يساوي تمنمية سبعة وخمسين من ألف. فهنقارن بين تسعة وتمانين من مية، وتمنمية سبعة وخمسين من ألف.

هنبدأ نقارن القيم المكانية، من الأكبر للأصغر. وأكبر قيمة مكانية عندنا، هي الأجزاء من عشرة. فلمّا هنقارن بين الرقمين اللي موجودين في خانة الأجزاء من عشرة، هنلاقيهم متساويين. فبعد كده هنقارن بين الرقمين اللي موجودين في خانة الأجزاء من مية. هنلاقي رقم منهم هو تسعة، والرقم التاني هو خمسة. والتسعة أكبر من الخمسة. فبالتالي هيبقى العدد العشري تسعة وتمانين من مية، أكبر من العدد العشري تمنمية سبعة وخمسين من ألف.

وبما إن تمنمية سبعة وخمسين من ألف، هو ناتج قسمة ستة على سبعة، لأقرب جزء من ألف. فنقدر نقول إن تسعة وتمانين من مية، أكبر من ناتج قسمة ستة على سبعة. وهو ده المطلوب.