فيديو: استخدام ترتيب العمليات لإيجاد المقادير العددية

استخدم خصائص الأعداد الحقيقية لحساب (٧٥ + ١٦) + ٥ عقليًّا.

٠٠:٥٤

‏نسخة الفيديو النصية

استخدم خصائص الأعداد الحقيقية لحساب خمسة وسبعين زائد ستاشر، زائد خمسة، عقليًّا.

يعني معطى عندنا المقدار ده، وعايزين نستخدم خصائص الأعداد الحقيقية عشان نوجد قيمة المقدار عقليًّا. فهنلاحظ إننا نقدر باستخدام خاصية الإبدال، نكتب المقدار بالشكل ده. فيبقى عندنا المقدار خمسة وسبعين زائد خمسة، زائد ستاشر. يعني بدّلنا خمسة مكان ستاشر. وعملنا كده علشان حساب خمسة وسبعين زائد خمسة عقليًّا، هيبقى أسهل.

فلمّا نحسب خمسة وسبعين زائد خمسة هتساوي تمانين. فيبقى المقدار هو تمانين زائد ستاشر. ولمّا نحسب تمانين زائد ستاشر، هتبقى بتساوي ستة وتسعين. وبالتالي هيبقى قيمة المقدار خمسة وسبعين زائد ستاشر زائد خمسة بيساوي ستة وتسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.