فيديو: فك المقادير الجبرية وتبسيطها

فك وبسط (−٢ﺱ − ٤ﺹ)(٢ﺱ − ﺹ).

٠٢:٢٣

‏نسخة الفيديو النصية

فُكّ وبسّط: سالب اتنين س ناقص أربعة ص، في اتنين س ناقص ص.

عشان نفكّ المقدار: سالب اتنين س ناقص أربعة ص، في اتنين س ناقص ص. هنضرب سالب اتنين س ناقص أربعة ص، في اتنين س ناقص ص. وده بإننا أول حاجة نضرب سالب اتنين س في اتنين س. بعدين نضرب سالب اتنين س في سالب ص. بعدين نضرب سالب أربعة ص في اتنين س. ونضرب سالب أربعة ص في سالب ص. والناتج هيبقى هو المجموع.

فأول حاجة سالب اتنين س في اتنين س، هيساوي سالب أربعة س تربيع. بعد كده سالب اتنين س في سالب ص، هيساوي اتنين س ص؛ هنكتب زائد اتنين س ص. بعد كده سالب أربعة ص في اتنين س، هيساوي سالب تمنية ص س؛ فهنكتب ناقص تمنية ص س. بعد كده سالب أربعة ص في سالب ص، هيساوي أربعة ص تربيع؛ فنجمع أربعة ص تربيع.

وبما إن عملية الضرب هي عملية إبدالية، فممكن نقول إن س ص بتساوي ص س. فهنعيد كتابة ص س، على إنها س ص. فهيبقى الحدّين التاني والتالت، هما حدّين متشابهين. فهنجمعهم، يبقى ده هيساوي سالب أربعة س تربيع. بعدين نجمع اتنين س ص، وسالب تمنية س ص. فالناتج هيبقى سالب ستة س ص. بعد كده نضيف أربعة ص تربيع.

يبقى المقدار: سالب اتنين س ناقص أربعة ص، في اتنين س ناقص ص. بعد فكّه وتبسيطه، هيبقى سالب أربعة س تربيع، ناقص ستة س ص، زائد أربعة ص تربيع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.