فيديو: حل المسائل الكلامية عن طريق جمع عددين كسريين

إذا اشترى رجل ١ كجم من التفاح بمبلغ ٤/١ ٨ جنيهات، ١ كجم من البرتقال بمبلغ ٢/١ ٤ جنيهات، فما إجمالي ما دفعه؟

٠١:٣٦

‏نسخة الفيديو النصية

إذا اشترى رجل واحد كيلوجرام من التفاح بمبلغ تمنية وربع جنيهات، وواحد كيلوجرام من البرتقال بمبلغ أربعة ونصف جنيهات. فما إجمالي ما دفعه؟

دلوقتي إجمالي ما دفعه، هيبقى المبلغ اللي اشترى بيه كيلو التفاح اللي هو تمنية ورُبع جنيهات، زائد المبلغ اللي اشترى بيه كيلو البرتقال، اللي هو أربعة ونص من الجنيهات.

دلوقتي عندنا عددين كسريين وعايزين نجمعهم على بعض. فنقدر نجمع الجزء الصحيح مع الجزء الصحيح، والجزء الكسري مع الجزء الكسري.

لمّا نيجي نجمع الجزء الكسري مع الجزء الكسري، هنلاحظ إن الجزئين الكسريين مالهومش نفس المقام. إحنا عشان نعرف نجمعهم لازم يبقى لهم نفس المقام. فدلوقتي هنعيد كتابة العدد الكسري التاني؛ بحيث يبقى المقام بتاع الجزء الكسري اللي فيه أربعة. فهيبقى أربعة واتنين على أربعة اللي هي بتكافىء نصف برضو.

وبعدين نبتدي نجمع بقى الجزء الكسري مع الجزء الكسري، والجزء الصحيح مع الجزء الصحيح. لمّا نيجي نجمع الجزئين الصحيحين؛ تمنية زائد أربعة هيبقى اتناشر. وبعدين نجمع الجزء الكسري مع الجزء الكسري؛ هيبقى هنا أربعة في المقام، والبسط هيبقى عبارة عن واحد زائد اتنين؛ يبقى تلاتة على أربعة. فهيبقى إجمالي ما دفعه هو اتناشر وتلاتة على أربعة من الجنيهات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.