فيديو: خواص شبه المنحرف

ذكر رامي أنه يستطيع أن يرسم عدة أشكال مختلفة لشبه المنحرف بارتفاع ٢ ومساحة ٢٩. لم تتَّفق سالي مع رامي وذكرت أنه يوجد شكل واحد لشبه المنحرف بارتفاع ٢ ومساحة ٢٩. أيُّهما على صواب؟

٠٢:٤٤

‏نسخة الفيديو النصية

ذكر رامي أنه يستطيع أن يرسم عدة أشكال مختلفة لشبه المنحرف، بارتفاع اتنين ومساحة تسعة وعشرين. لم تتفق سالي مع رامي، وذكرت أنه يوجد شكل واحد لشبه المنحرف، بارتفاع اتنين ومساحة تسعة وعشرين. أيهما على صواب؟

وعلشان نحدد أنهي واحد فيهم كلامه صح، خلينا في الأول نشوف لو عندنا شبه منحرف بالشكل ده. وخلينا نفرض إن ارتفاع شبه المنحرف اتنين. وأمّا قاعدتين شبه المنحرف، فخلّينا نرمز لهم بـ ق واحد وَ ق اتنين. وخلينا نفتكر إن مساحة شبه المنحرف بتساوي نص حاصل ضرب مجموع قاعدتيه في ارتفاعه. يعني هتساوي نص في حاصل ضرب مجموع قاعدتيه، اللي هم ق واحد زائد ق اتنين، في ارتفاعه، وهنرمز للارتفاع بالرمز ع.

بعد كده، علشان نشوف مين اللي كلامه صح، رامي ولّا سالي، فخلّينا نعوّض عن الارتفاع باتنين، وعن المساحة بتسعة وعشرين. فهتبقى تسعة وعشرين اللي هي مساحة شبه المنحرف بتساوي نص في، ق واحد زائد ق اتنين، في الارتفاع واللي هنعوّض عنه باتنين. فنقدر نختصر هنا نص مع اتنين، يعني نقسم اتنين على اتنين هتبقى واحد، ونقسم اتنين على اتنين تبقى واحد. فهتبقى المعادلة هي تسعة وعشرين بتساوي ق واحد زائد ق اتنين.

بعد كده لمّا نيجي نشوف كلام رامي، بيقول إن يقدر يرسم عدة أشكال مختلفة لشبه المنحرف، بارتفاع اتنين ومساحة تسعة وعشرين. وأما سالي، فكلامها إن يوجد شكل واحد فقط لشبه المنحرف، بارتفاع اتنين ومساحة تسعة وعشرين. فمن المعادلة اللي عندنا، لمّا عوّضنا عن المساحة تسعة وعشرين، وعن الارتفاع باتنين؛ بقت المعادلة عندنا هي تسعة وعشرين بتساوي مجموع قاعدتيه، اللي هم ق واحد زائد ق اتنين.

فبما إننا نقدر نغيّر في أطوال القاعدتين، فممكن مثلًا إننا نفرض أيّ قيم للقاعدتين يكون مجموعهم تسعة وعشرين. فمثلًا ممكن يكون طول قاعدة واحد، تسعة؛ وطول القاعدة اتنين، عشرين. فهيبقى مجموعهم تسعة وعشرين، واللي بتحقق المعادلة. وممكن نفرض إن أطوال القاعدتين أربعتاشر وخمستاشر، وبرضو هيحقّقوا المعادلة، اللي هي تسعة وعشرين.

فبالتالي إحنا نقدر نرسم عدة أشكال مختلفة لشبه المنحرف، بارتفاع اتنين ومساحة تسعة وعشرين؛ لأننا نقدر نغير في أطوال القاعدتين بكذا شكل، بحيث إن يبقى مجموعهم تسعة وعشرين. وبالتالي هتبقى إجابة السؤال «أيهما على صواب؟»، فاللي هيبقى على صواب هو رامي؛ لأننا نقدر نرسم عده أشكال مختلفة لشبه المنحرف، بارتفاع اتنين ومساحة تسعة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.