فيديو: التحويل من الياردات إلى الكيلومترات

أوجد عدد الكيلومترات في ٥٢٨٥ ياردة، لأقرب جزء من عشرة.

٠١:٣٠

‏نسخة الفيديو النصية

أوجد عدد الكيلومترات في خمسة آلاف ومائتان وخمسة وثمانون ياردة، لأقرب جزء من عشرة.

عشان نعرف نحل السؤال ده، محتاجين أول حاجة نعرف الكيلومتر فيه كام ياردة. الكيلومتر الواحد فيه ألف تلاتة وتسعين وواحد وستين من مية ياردة، ده معناه إن الياردة الواحدة بتساوي واحد على ألف وتلاتة وتسعين وواحد وستين من مية كيلومتر؛ يبقى خمسة آلاف وميتين وخمسة وتمانين ياردة هتساوي خمسة آلاف وميتين وخمسة وتمانين في واحد على ألف وتلاتة وتسعين وواحد وستين من مية كيلومتر. وبإجراء عملية الضرب، ده هيساوي تقريبًا أربعة وتمنمية واتنين وتلاتين من ألف كيلومتر.

وعشان نقرّب العدد لأقرب جزء من عشرة، هنشوف الرقم اللي مكتوب في الأجزاء من مائة؛ فإذا كان الرقم أربعة أو أقل، فمش هيحصل أي تغيُّر على الأجزاء من عشرة؛ أما إذا كان الرقم خمسة أو أكتر، يبقى هنضيف واحد على الأجزاء من عشرة. فهنلاقي الرقم تلاتة، ده معناه إنه أقل من أربعة؛ فبالتالي مش هيحصل أي تغيُّر للأجزاء من عشرة؛ يبقى ممكن نقول إن خمسة آلاف وميتين وخمسة وتمانين ياردة هتساوي تقريبًا، بالتقريب لأقرب جزء من عشرة، أربعة وتمنية من عشرة كيلومتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.