فيديو: تفكيك الأعداد من ١١ إلى ١٩ إلى عشرة آحاد وبعض الآحاد

يقول فارس: «١٢ تساوي ١٠ آحاد مضافًا إليها ٢ آحاد». لقد استخدَم أطر العشرة ليوضِّح فكرته. هل فارس على صواب؟

٠١:٣٨

‏نسخة الفيديو النصية

يقول فارس اتناشر تساوي عشرة آحاد، مضافًا إليها اتنين آحاد. لقد استخدم أُطُر العشرة ليوضّح فكرته. هل فارس على صواب؟

فيه ولد اسمه فارس، استخدم أُطُر العشرة اللي قدامنا دي، اللي هي الصناديق المكوّنة من عشر خانات. وقال لنا من خلالها إيه؟ إن العدد اتناشر ده، عبارة عن حاجتين. عشرة آحاد، هنضيف عليهم اتنين آحاد. وراح حطّ هنا عشرة آحاد، الإطار فيه عشر خانات. وعشرة آحاد، يعني إطار كامل، زيّ اللي إحنا لسه مشاورين عليه. مضافًا إليه اتنين آحاد. يعني كمان إطار، بس فيه اتنين بس؛ اللي هي دي ودي، الاتنين دول.

هل فعلًا بقى الإطارين اللي هو عملهم دول، بيمثلوا العدد اتناشر؟ تعالوا نشوف. الاتناشر عبارة عن اتنين في خانة الآحاد، وواحد في خانة العشرات. يعني إيه واحد في خانة العشرات؟ يعني عشرة. واتنين آحاد، يعني الاتناشر هي اتنين زائد عشرة. طب ما إحنا عندنا هنا فيه عشرة، اللي هم ماليين الإطار كله. وهنا فيه اتنين. يبقى اتنين زائد عشرة، اللي هي بتساوي إيه؟ اتناشر.

يبقى ده معناه إن فارس استخدم طريقة صح علشان يمثّل بيها العدد اتناشر. ومثّله بشكل صحيح في أُطُر العشرة. فتبقى الإجابة، لمّا نيجي نردّ على السؤال: «هل فارس على صواب؟» نقول: نعم. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.