فيديو: نموذج تدريب امتحان الفيزياء • ٢٠١٩ • السؤال الأول أ

نموذج تدريب امتحان الفيزياء • ٢٠١٩ • السؤال الأول أ

٠١:٥٧

‏نسخة الفيديو النصية

ما المقصود بأن الحث المتبادَل بين ملفين اتنين من مية هنري؟

لو وضعنا ملفين بالقرب من بعض، أو واحد منهم داخل التاني. وكان المعدل الزمني لتغيُّر شدّة التيار في الملف الأول هو Δ𝐼 واحد على Δ𝑡. فهيتولّد في الملف التاني قوة دافعة كهربية مستحثة هتقاوم هذا التغير. بتساوي سالب 𝑀 في Δ𝐼 واحد على Δ𝑡. حيث 𝑀 هو معامل الحث المتبادَل بين الملفين. الإشارة السالبة بتدل على إن القوة الدافعة الكهربية المستحثة المتولدة في الملف التاني، بتعاكس التغير المسبب ليها. اللي هي قاعدة لنز.

وممكن نهملها لو مهتمين بالقيم نفسها. لو قسمنا طرفَي المعادلة على Δ𝐼 واحد على Δ𝑡 … هنلاقي إن القوة الدافعة الكهربية المستحثة المتولدة في الملف التاني على Δ𝐼 واحد على Δ𝑡 هيساوي 𝑀. والمطلوب نعرف إيه المقصود بإن الحث المتبادل بين ملفين باتنين من مية هنري. لو كان المقام بيساوي واحد أمبير لكل ثانية … فالقيمة العددية للقوة الدافعة الكهربية المستحثة المتولدة في الملف التاني هتساوي القيمة العددية لمعامل الحث المتبادل بين الملفين. القيمة العددية فقط مش الوحدات. لأنهم كميات فيزيائية مختلفة. وبالتالي فهتكون وحداتهم مختلفة.

فلو كانت الـ 𝑀 بتساوي اتنين من مية هنري، هنلاقي إن ق د ك المستحثة المتولدة في الملف التاني هتساوي اتنين من مية فولت. إذن المقصود بإن الحث المتبادَل بين ملفين بيساوي اتنين من مية هنري … إنه إذا تغيرت شدة تيار أحد الملفين بمعدل واحد أمبير لكل ثانية، يتولّد بين طرفَي الملف الآخر قوة دافعة كهربية مستحثة تساوي اتنين من مية فولت. وهي دي الإجابة. وبكده يبقى عرفنا المقصود بإن الحث المتبادَل بين ملفين بيساوي اتنين من مية هنري.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.