فيديو: تحديد الأخطاء في حلول المسائل الكلامية التي تحتاج إلى الجمع أو الطرح

تحاول سارة حل هذه المسألة الكلامية: كان هناك ٤١ طائرًا على شجرة. طار ١٥. كم طائرًا على الشجرة الآن؟ قالت سارة إن الإجابة هي ٤١ + ١٥ = ٥٦. ما الخطأ الذي فعلته سارة؟ ما الإجابة الصحيحة؟

٠٣:٠٠

‏نسخة الفيديو النصية

تحاول سارة حل هذه المسألة الكلامية: كان هناك واحد وأربعين طائرًا على شجرة. طار خمستاشر. كم طائرًا على الشجرة الآن؟ قالت سارة: إن الإجابة هي: واحد وأربعين زائد خمستاشر تساوي ستة وخمسين. ما الخطأ الذي فعلته سارة؟ وما الإجابة الصحيحة؟

كان عندنا شجرة عليها واحد وأربعين طائر. إيه اللي حصل؟ طار خمستاشر. خمستاشر واحد مشيوا وسابوا الشجرة. السؤال عندنا: كم طائر اتبقّى على الشجرة؟

ففيه بنت اسمها سارة جت تحلّ السؤال، قالت إيه؟ قالت: إن الإجابة هي واحد وأربعين زائد خمستاشر هتساوي ستة وخمسين. يبقى الطيور اللي اتبقَّت على الشجرة ستة وخمسين. طبعًا دي إجابة غلط. إزاي الشجرة كان عليها واحد وأربعين طائر، ولمّا خمستاشر طائر مشي اتبقى لنا ستة وخمسين؟ هو المفروض العدد يقلّ ولّا يزيد؟ طبعًا المفروض يقلّ؛ لأن الطيور بتمشي وبتسيب الشجر.

كده عرفنا إيه الخطأ اللي سارة وقعت فيه؟ الخطأ اللي سارة وقعت فيه إنها جمعت، أو استخدمت زائد. لأنها كان المفروض تطرح. طب لمّا كان المفروض تطرح، كانت تقول إيه؟ المفروض كانت تقول: إن الشجرة كان عليها واحد وأربعين طائر. خمستاشر طائر مشيوا وسابوها. يعني ناقص خمستاشر. هيتبقّى لنا ستة وعشرين طائر على الشجرة. يبقى هي دي الإجابة الصحّ.

طيب تعالوا بقى نردّ على الأسئلة اللي عندنا في السؤال. أول جزء بيقول لنا إيه؟ ما الخطأ الذي فعلته سارة؟ إيه الغلط اللي سارة عملته؟ إحنا قلنا: الغلط إن هي جمعت. فالإجابة هتكون إيه؟ جمعت. بس؟ لأ، نكمّل: وكان يجب أن تطرح. جمعت، والصحّ إن هي كانت المفروض تطرح.

طيب والإجابة بقى هي إيه؟ الجزء التاني بقى: ما الإجابة الصحيحة؟ نقول إيه؟ الإجابة الصحيحة هي اللي إحنا كتبناه ده. اللي هي إيه؟ واحد وأربعين ناقص خمستاشر بتساوي ستة وعشرين. هي دي الإجابة الصحّ.

يبقى حل السؤال هيكون إيه؟ جمعت، وكان يجب أن تطرح. الإجابة الصحيحة هي: واحد وأربعين ناقص خمستاشر بتساوي ستة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.