فيديو: إيجاد البعد العمودي بين نقطة معطاة والخط المستقيم المار بنقطتين معطاتين

أوجد المسافة العمودية من النقطة (−٣، −٤، ٠) إلى المستقيم المار بالنقطتين (١، ٣، ١)، (٤، ٣، ٢)، مُقرِّبًا الناتج لأقرب جزء من عشرة.

٠٥:٠١

‏نسخة الفيديو النصية

أوجد المسافة العمودية من النقطة سالب تلاتة وسالب أربعة وصفر، إلى المستقيم المار بالنقطتين واحد وتلاتة وواحد، وأربعة وتلاتة واتنين، مقربًا الناتج لأقرب جزء من عشرة.

يعني لو عندنا النقطة أ اللي هي واحد وتلاتة وواحد. والنقطة ب أربعة وتلاتة واتنين. والنقطة سالب تلاتة وسالب أربعة وصفر. عايزين نوجد المسافة العمودية ما بينهم، اللي هي ج د. علشان نوجد المسافة العمودية هناخد مثلث قائم الزاوية، اللي هو ج د ب. هنوجد الـ ج ب، ونوجد الـ د ب. ومنها نقدر نوجد الـ ج د؛ لأن ده مثلث قائم الزاوية، فيه مربع طول الوتر بيساوي مجموع مربعي الضلعين الآخرين.

الـ ج د دي إسقاط الـ ج ب على الـ أ ب. يعني نقدر نوجد الطول ب د، وطول ج ب. أول حاجة المتجه اللي هو ب ج، نقدر نكتبه، هو عبارة عن إحداثي النقطة ج، ناقص إحداثي النقطة ب، اللي هو متجه الموضع ج، ناقص متجه الموضع ب، اللي هو هيساوي النقطة ج سالب تلاتة وسالب أربعة وصفر، ناقص النقطة ب أربعة وتلاتة واتنين. يبقى سالب تلاتة ناقص أربعة، والسالب أربعة ناقص التلاتة، والصفر ناقص اتنين.

يبقى الـ ب ج هيساوي سالب سبعة وسالب سبعة وسالب اتنين. ونوجد طول ب ج. ب ج هيساوي الجذر التربيعي … إحداثي السينات تربيع؛ يعني سالب سبعة تربيع. زائد إحداثي الصادات تربيع. زائد إحداثي العين تربيع. هيساوي جذر مية واتنين. يبقى الـ ب ج طوله الجذر التربيعي للمية واتنين.

عايزين نوجد طول الـ ب د، اللي هو مسقط الـ ب ج على الـ أ ب. متجه اتجاه المستقيم ب أ، بيساوي الـ أ ناقص الـ ب. هيساوي … الـ أ واحد وتلاتة وواحد، ناقص الـ ب أربعة وتلاتة واتنين. هيبقى واحد ناقص الأربعة، والتلاتة ناقص التلاتة، والواحد ناقص الاتنين. يبقى هيساوي سالب تلاتة وصفر وسالب واحد.

علشان نوجد طول الـ ب د اللي هو مسقط الـ ب ج على الـ أ ب. هيساوي القيمة المطلقة للضرب القياسي للـ ب ج في الـ ب أ، على طول الـ ب أ. الـ ب ج أوجدناه سالب سبعة وسالب سبعة وسالب اتنين، ضرب قياسي الـ ب أ اللي هو سالب تلاتة وصفر وسالب واحد؛ على معيار الـ ب أ، اللي هو الجذر التربيعي لقيمة السينات تربيع، زائد الصادات تربيع، زائد العين تربيع.

يبقى البسط هيبقى سالب سبعة في السالب تلاتة، زائد السالب سبعة في الصفر، زائد السالب اتنين في السالب واحد؛ على الجذر التربيعي للعشرة. البسط هيساوي تلاتة وعشرين، على الجذر التربيعي للعشرة.

عايزين نوجد الـ ج د. يبقى المثلث قائم الزاوية في ج د ب. يبقى ج د تربيع هيساوي طول الوتر تربيع، اللي هو ج ب تربيع، ناقص الـ ب د تربيع؛ ده من فيثاغورس. يبقى الـ ج د تربيع هتساوي … الـ ج ب تربيع اللي هي الجذر التربيعي للمية واتنين تربيع، ناقص الـ ب د تربيع اللي هو تلاتة وعشرين على الجذر التربيعي للعشرة تربيع. هتساوي تسعة وأربعين وواحد من عشرة. هنوجد الجذر التربيعي للطرفين. يبقى الـ ج د هتساوي تقريبًا سبعة وصفر من عشرة وحدات طولية. وده بتقريب الناتج لأقرب جزء من عشرة، وهي دي المسافة العمودية المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.