فيديو: التحقُّق ممَّا إذا كان عدد مُعطًى يُعَدُّ عاملًا لعددٍ آخَر

هل العدد ٣ أحد عوامل العدد ٤٣؟

٠١:٢٦

‏نسخة الفيديو النصية

هل العدد تلاتة أحد عوامل العدد تلاتة وأربعين؟

لو شُفنا العدد تلاتة وأربعين إيه العوامل بتاعته، هنلاقي إن العوامل بتاعته هي واحد، وتلاتة وأربعين. يا ترى مالوش أيّ عوامل أخرى؟ هنشوف كده هو يقبل القسمة على اتنين؟ هو عدد فردي؛ يعني ما يقبلش القسمة على اتنين؛ لأنه لو عدد زوجي كان هيبقى الآحاد بتاعته فيها رقم زوجي، إنما الآحاد بتاعته فيها رقم فردي.

طب عايزين نشوف هل يقبل القسمة على تلاتة ولّا لأ. إزاي بنقدر نعرف العدد اللي قدامنا بيقبل القسمة على تلاتة ولّا لأ؟ بنجمع الأرقام اللي بيتكوّن منها، يعني نجمع تلاتة زائد أربعة، لو كان مجموعهم يقبل القسمة على تلاتة، فبالتالي يبقى العدد كله يقبل القسمة على تلاتة.

طب تلاتة زائد أربعة يساوي سبعة. طب سبعة لا تقبل القسمة على تلاتة بدون وجود باقي؛ فبالتالي العدد تلاتة وأربعين ما يقبلش القسمة على التلاتة، ولا يقبل القسمة على خمسة، ولا يقبل القسمة على سبعة، ولا يقبل القسمة على حداشر. إحنا مش هنلاقي أيّ عوامل أخرى للعدد تلاتة وأربعين. العدد تلاتة وأربعين ده عدد أولي مالهوش أيّ عوامل غير واحد والعدد نفسه؛ فبالتالي العدد تلاتة مش ممكن يكون أحد عوامله.

فتبقى الإجابة هي: لا، العدد تلاتة مش من عوامل العدد تلاتة وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.