فيديو: حل المسائل الكلامية التي تتضمَّن معدَّلات

قام فادي بقيادة السيارة مسافة ٢٤٤ كم في ٤ ساعات. ما متوسط سرعته بالكم/س لأقرب رقم عشري؟

٠٢:٠٦

‏نسخة الفيديو النصية

قام فادي بقيادة السيارة مسافة ميتين أربعة وأربعين كيلومتر في أربع ساعات. ما متوسّط سرعته بالكيلومتر عَ الساعة لأقرب رقم عشري.

يعني مُعطى عندنا إن فادي قاد السيارة لمسافة ميتين أربعة وأربعين كيلومتر في أربع ساعات. فمعنى كده إن سرعة فادي بتساوي المسافة اللي مشيها فادي بسيارته مقسومة على الزمن. ومُعطى عندنا إن المسافة اللي مشيها فادي بسيارته هي ميتين أربعة وأربعين كيلومتر. وفادي مشي المسافة دي في أربع ساعات. فبالتالي هيبقى الزمن اللي عندنا هو أربعة، اللي هو أربع ساعات. والمطلوب إننا نوجد متوسّط سرعته بالكيلومتر عَ الساعة. يعني معنى كده إننا عايزين نعرف فادي بيمشي مسافة قدّ إيه في الساعة الواحدة، اللي هي متوسّط سرعته.

فبالتالي زيّ ما عرفنا إن فادي مشي مسافة ميتين أربعة وأربعين كيلومتر في أربع ساعات. فعشان نحدّد سرعته بالكيلومتر عَ الساعة، يبقى عايزين نشوف المسافة اللي هيقطعها في الساعة الواحدة. فبالتالي عايزين نخلّي أربعة هنا، اللي هي في المقام، تبقى واحد.

فعشان نخلّي المقام أربعة يبقى واحد، يبقى عايزين نقسمه على أربعة. وزيّ ما قسمنا المقام على أربعة، يبقى هنقسم البسط على أربعة. فبالتالي هيبقى عندنا في المقام أربعة على أربعة، واللي بتساوي واحد. وأمَّا في البسط، فهنقسم ميتين أربعة وأربعين على أربعة، واللي هتساوي واحد وستين. وبالتالي هيبقى الناتج اللي عندنا معناه إن فادي بيمشي لمسافة واحد وستين كيلومتر في الساعة الواحدة.

فمعنى كده إن هيبقى متوسّط سرعة فادي هي واحد وستين كيلومتر على الساعة؛ لأن هي دي المسافة اللي بيقطعها فادي في الساعة الواحدة. وبالتالي هتبقى هي دي إجابة السؤال؛ واحد وستين كيلومتر عَ الساعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.