فيديو: حل المسائل الكلامية عن طريق قسمة عدد عشري على آخر

يوضِّح الجدول التعداد السكاني التقريبي لدول مختلفة عام ٢٠١٧. كم مرة يمثِّل عدد سكان الصين عدد سكان الهند عام ٢٠١٧؟ قرِّب الإجابة لأقرب رقمين عشريين إذا لزم الأمر.

٠٥:٤١

‏نسخة الفيديو النصية

يوضِّح الجدول التعداد السكاني التقريبي لدول مختلفة عام ألفين وسبعتاشر. كم مرة يمثِّل عدد سكان الصين عدد سكان الهند عام ألفين وسبعتاشر؟ قرِّب الإجابة لأقرب رقمين عشريين إذا لزم الأمر.

الجدول اللي عندنا بيوضح اسم الدولة والتعداد السكاني التقريبي بالمليارات. فعندنا الصين تعداد سكانها التقريبي واحد وواحد وأربعين من مية مليار. أما الهند فتعداد سكانها التقريبي واحد وأربعة وتلاتين من مية مليار. والولايات المتحدة الأمريكية فتعداد سكانها التقريبي بالمليارات تلتمية أربعة وعشرين من ألف. إندونيسيا يبلغ عدد سكانها التقريبي بالمليارات ميتين أربعة وستين من ألف. أما البرازيل فتعداد سكانها التقريبي بالمليارات ميتين وتسعة من ألف. مطلوب مننا نعرف كم مرة يمثّل عدد سكان الصين عدد سكان الهند.

يبقى بمعلومية عدد سكان الصين وعدد سكان الهند، نقدر نوجد كم مرة يمثّل عدد سكان الصين عدد سكان الهند؛ بإننا هنقسم عدد سكان الصين على عدد سكان الهند، ناتج القسمة هو ده إجابة السؤال. ونقدر نقرّب الإجابة اللي هنحصل عليها لأقرب رقمين عشريين.

يبقى دلوقتي محتاجين نقسم عدد سكان الصين على عدد سكان الهند، يعني هنقسم واحد وواحد وأربعين من مية على واحد وأربعة وتلاتين من مية. علشان نقدر نجري عملية القسمة دي محتاجين المقسوم عليه يبقى عدد صحيح، يعني هنضرب في مية؛ يبقى نضرب المقسوم كمان في مية. وبكده تصبح عملية القسمة اللي عندنا مية واحد وأربعين على مية أربعة وتلاتين.

دلوقتي هنجري عملية القسمة بطريقة القسمة المطوّلة؛ عايزين نقسم مية واحد وأربعين على مية أربعة وتلاتين. بما إننا بنقسم على عدد مكون من تلات أرقام؛ فهناخد التلات أرقام كلهم اللي في المقسوم ونقسمهم على المقسوم عليه. يبقى عايزين نقسم مية واحد وأربعين على مية أربعة وتلاتين، يا ترى ايه العدد اللي لو ضربته في مية أربعة وتلاتين يدينا مية واحد وأربعين، أو أقل، ما ينفعش يبقى أكتر من مية واحد وأربعين؟ هنلاقي إن العدد ده هو واحد، دلوقتي هنضرب واحد في مية أربعة وتلاتين، حاصل الضرب هيبقى مية أربعة وتلاتين. دلوقتي نطرح، لمّا نيجي نطرح هيبقى ناتج الطرح سبعة، عشان نقدر نكمل عملية القسمة، فهنحط علامة عشرية في المقسوم بعد آخر رقم موجود فيه، وبالمثل نحط في ناتج القسمة علامة عشرية كمان، وبعدين في المقسوم هنحط صفر بعد العلامة العشرية.

نبتدي دلوقتي ننزل الصفر عشان نكمل عملية القسمة، هنيجي نقسم سبعين على مية أربعة وتلاتين، هنلاقي إن ما فيش رقم أو عدد، عفوًا، لو ضربناه في مية أربعة وتلاتين هيدينا سبعين؛ يبقى هنا هيبقى ناتج القسمة صفر. وبعدين نعمل عملية الضرب، وبعدين نضرب صفر في مية أربعة وتلاتين، فيبقى حاصل الضرب صفر، بعد كده نطرح، هيبقى ناتج الطرح سبعين، هنزود صفر كمان على يمين العلامة في المقسوم، وننزله عشان نكمّل عملية القسمة.

فيبقى دلوقتي بنقسم سبعمية على مية أربعة وتلاتين، عايزين نشوف إيه العدد اللي لو ضربناه في مية أربعة وتلاتين يدينا أقرب ناتج للسبعمية، ممكن يبقى أقل شوية بس ما ينفعش يبقى أزيد؟ هنلاقي إن العدد ده هو خمسة. دلوقتي هنضرب خمسة في مية أربعة وتلاتين، هيبقى حاصل الضرب ستمية وسبعين، وبعدين هنطرح هيبقى ناتج الطرح تلاتين، هنرجع نزوّد صفر آخر في المقسوم، وبعدين ننزله عشان نكمّل عملية القسمة، فهيبقى عندنا تلتمية، عايزين نقسم تلتمية على مية أربعة وتلاتين، فهنشوف إيه العدد اللي لو ضربنا في مية أربعة وتلاتين يدينا أقرب ناتج للتلتمية، هنلاقي إن هو اتنين. دلوقتي هنضرب اتنين في مية أربعة وتلاتين، هيبقى الناتج ميتين تمنية وستين، وبعدين نطرح فهيصبح ناتج عملية الطرح عندنا اتنين وتلاتين.

عملية القسمة اللي عندنا دي هتبقى عملية غير منتهية، وعشان كده مطلوب مننا إن إحنا نقرّب الإجابة لأقرب رقمين عشريين، فهنكتفي بناتج القسمة ده، وبعدين نقرّبه، وهيتبقى عندنا قلنا باقي قسمة اتنين وتلاتين، فخلينا فناتج القسمة دلوقتي اللي هو واحد واتنين وخمسين من ألف. هيبقى ناتج القسمة تقريبًا بيساوي واحد واتنين وخمسين من ألف، عايزين نقرّبه لأقرب رقمين عشريين، هنشوف الرقم التالت؛ لو يساوي خمسة أو أكتر فهيزوّد الرقم اللي قبله بواحد، بس هو أقل من خمسة، فمعناها هنحوّله إلى أصفار، والرقم اللي قبله هيفضل زي ما هو. وكده هيبقى ناتج القسمة التقريبي بعد ما نقرّبه لأقرب رقمين عشريين واحد وخمسة من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.