تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تبسيط المقادير الجبرية باستخدام قوانين الأسس

نهال عصمت

بسِّط (١٤٤ﺱ^٢٠ + ١٦٨ﺱ^١٧ + ٨٤ﺱ^١٢)/١٢ﺱ^١٢ + ٣ﺱ^٨ + ١٩ﺱ^٥ + ١٨.

٠٣:٥٥

‏نسخة الفيديو النصية

بسّط: مية أربعة وأربعين س أُس عشرين. زائد مية تمنية وستين س أُس سبعتاشر. زائد أربعة وتمانين س أُس تمنتاشر. الكل على اتناشر س أُس اتناشر. زائد تلاتة س أُس تمنية، زائد تسعتاشر س أُس خمسة، زائد تمنتاشر.

أول حاجة عشان نقدر نبسّط المقدار اللي موجود قدامنا، عندنا كسر هنبدأ نوزّع فيه المقام على البسط. وبالتالي هيساوي مية أربعة وأربعين س أُس عشرين، على اتناشر س أُس اتناشر. زائد مية تمنية وستين س أُس سبعتاشر، على اتناشر س أُس اتناشر. زائد أربعة وتمانين س أُس اتناشر، على اتناشر س أُس اتناشر. بقية المقدار هينزل زيّ ما هو. يبقى زائد تلاتة س أُس تمنية، زائد تسعتاشر س أُس خمسة، زائد تمنتاشر.

قبل ما نكمّل حل المسألة، عايزين نفتكر إن لو عندنا أ أُس م، مقسومة على أ أُس ن، هتساوي … عندنا الأساس متشابه، وهو أ. هننزّل أ زيّ ما هي. عندنا علامة قسمة، معنى كده إن إحنا هنطرح الأُسُس. هيبقى أ أُس، م ناقص ن. هنبدأ نطبّق القاعدة دي على المسألة اللي موجودة قدامنا. عشان نقدر نبسّط المقدار لأبسط صورة.

هيساوي … هنلاحظ عندنا إن الأساس متشابه، وهو س. وعندنا علامة قسمة، يبقى معنى كده إن إحنا هنطرح الأُسُس. مية أربعة وأربعين على اتناشر، باتناشر. وَ س أُس عشرين على س أُس اتناشر، هننزّل س زيّ ما هي. وبعد كده عندنا عشرين ناقص اتناشر، بتمنية. زائد مية تمنية وستين على اتناشر، بأربعتاشر. وَ س أُس سبعتاشر على س أُس اتناشر، هننزّل س زيّ ما هي. وعندنا سبعتاشر ناقص اتناشر، بخمسة.

بعد كده زائد … أربعة وتمانين على اتناشر، بسبعة. وبعد كده س أُس اتناشر على س أُس اتناشر، هننزّل س، ونطرح الأُسُس. اتناشر ناقص اتناشر، بصفر. وبقية المقدار هينزل زيّ ما هو. زائد تلاتة س أُس تمنية، زائد تسعتاشر س أُس خمسة، زائد تمنتاشر.

هنلاحظ عندنا س أُس صفر. أيّ حاجة أُس صفر، بواحد. يبقى نقدر نشيل س أُس صفر، ونكتب بدلها واحد. يبقى سبعة في واحد، بسبعة. يبقى نشيل سبعة في واحد، ونكتب بدلها سبعة.

بعد كده هنبدأ نجمّع الحدود المتشابهة. عندنا اتناشر س أُس تمنية، وتلاتة س أُس تمنية. يبقى هيساوي خمستاشر س أُس تمنية. وعندنا أربعتاشر س أُس خمسة، وتسعتاشر س أُس خمسة. يبقى زائد تلاتة وتلاتين س أُس خمسة. بعد كده عندنا سبعة وتمنتاشر، هيبقى زائد خمسة وعشرين.

وبكده قدرنا نبسّط المقدار اللي موجود قدامنا. وهو: خمستاشر س أُس تمنية، زائد تلاتة وتلاتين س أُس خمسة، زائد خمسة وعشرين.