فيديو: كتابة المقادير الجبرية من جدول معطًى

أيّ المقادير الآتية يُستخدم لإكمال القيم في الجدول الآتي؟ [أ] ٣ن − ٥ [ب] ٣ن + ٥ [ج] ٥ن [د] ٥ن + ٣ [ﻫ] ٥ن − ٣

٠١:٢٧

‏نسخة الفيديو النصية

أيّ المقادير الآتية يُستخدم لإكمال القيم في الجدول الآتي؟ ومعطى عندنا الاختيارات؛ أ: تلاتة ن ناقص خمسة. ب: تلاتة ن زائد خمسة. ج: خمسة ن. د: خمسة ن زائد تلاتة. ﻫ: خمسة ن ناقص تلاتة.

ومُعطى عندنا الجدول اللي قدامنا، وعايزين نعرف أنهي مقدار بيستخدم لإكمال القيم في الجدول الآتي. فمن الجدول هنلاحظ عند قيمة الحد إن أول حد كان قيمته اتنين، والحد التاني قيمته سبعة، والحد التالت قيمته اتناشر.

فهنلاحظ إن كل حد بيزيد عن الحد اللي قبله زيادة ثابتة بمقدار خمسة، وفي نفس الوقت الموضع بيزيد بمقدار واحد. فمعنى كده بما إن قيمة الحد بتزيد زيادة ثابتة بمقدار خمسة؛ فبالتالي هيبقى الحد النوني …

لكن هنلاحظ هنا إن الحد الأول كان قيمته اتنين. فمعنى كده إننا لو عوضنا عن ن بواحد في الحد النوني؛ المفروض تدينا قيمة الحد اللي هي اتنين. لكن لو عوّضنا عن ن بواحد هيبقى خمسة في واحد، واللي هتساوي خمسة. فهنلاحظ إن هنا عندنا خمسة، لكن هنا قيمة الحد اتنين. فمعنى كده إن اتنين أقل من خمسة بمقدار تلاتة. فبالتالي هيبقى الحد النوني هو خمسة ن ناقص تلاتة. وهو ده المقدار اللي نقدر نستخدمه علشان نكمل القيم في الجدول.

فبالتالي هيبقى الاختيار الصحيح هو الاختيار ﻫ: خمسة ن ناقص تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.