فيديو: استخدام إستراتيجية العد التنازلي لطرح الأعداد حتى العدد ٢٠

على قطعة الدومينو الموضَّحة، غُطِّيت النقاط الموجودة على أحد طرفيها باستخدام لاصقة، وكُتِب عدد النقاط الموجودة عليها فوقها. ما عدد النقاط الموجودة تحت اللاصقة على قطعة الدومينو هذه؟

٠١:٣٣

‏نسخة الفيديو النصية

على قطعة الدومينو الموضَّحة، غُطِّيَت النقاط الموجودة على أحد طرفيها، باستخدام لاصقة. وكُتِب عدد النقاط الموجودة عليها فوقها. ما عدد النقاط الموجودة تحت اللاصقة، على قطعة الدومينو هذه؟

عندنا في السؤال قطعة من الدومينو، متقسّمة لنُصين. النص الأولاني موجود عليه نقاط سودا. وعددهم: واحد، اتنين، تلاتة، أربعة. أربع نقاط. والنص التاني من الدومينو، ملزوق عليه لاصقة، ومغطّية على النقاط السودا المرسومة تحتها. ومطلوب منّنا نعرف عدد النقاط الموجودة تحت اللاصقة دي بيساووا كام.

بس السؤال ساعدنا، وكتب لنا هنا فوق، عدد النقاط الموجودة في قطعة الدومينو دي كلها. يبقى عدد النقاط الموجودة على قطعة الدومينو دي كلها، بيساوي حداشر نقطة. منهم أربع نقاط موجودين هنا في النص ده من الدومينو. وباقي الحداشر نقطة موجودين تحت اللاصقة. يبقى نشيل عدد النقاط الأربعة دول، من الحداشر، علشان نعرف عدد النقاط اللي تحت اللاصقة.

الحداشر نقطة لو نقّصنا منهم نقطة، هيتبقّى عشر نقط. والعشر نقط لو نقّصنا منهم نقطة، هيتبقّى تسع نقاط. والتسع نقط لو شِلنا منهم نقطة، هيبقوا تمن نقط. والتمنية لو شِلنا منهم نقطة؟ هيبقوا سبع نقط. يبقى عدد النقاط اللي كانوا موجودين تحت اللاصقة، طلعوا سبع نقاط. وبكده يبقى إجابة السؤال هتكون سبع نقاط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.