فيديو: اتزان القوى في بُعدين

في الشكل التالي، الجسم في حالة السكون تحت تأثير نظام من القُوى. إذا كانت القُوى مقيسة بالنيوتن، فأوجد مقدار كلٍّ من ﻕ، ﻙ.

٠٢:٢١

‏نسخة الفيديو النصية

في الشكل التالي، الجسم في حالة السكون تحت تأثير نظام من القوى. إذا كانت القوى مقيسة بالنيوتن، فاوجد مقدار كلٍّ من ق وَ ك.

معطى إن الجسم في حالة السكون. وبالتالي نقدر نستنتج إن الجسم هيكون في حالة اتّزان. وبالتالي هيكون عندنا مجموع القياسات الجبرية، للقوى الموازية لمحور السينات، بيساوي صفر. ومجموع القياسات الجبرية، للقوى الموازية لمحور الصادات، بيساوي صفر أيضًا. ومن الشكل، هنلاحظ إن عندنا القوى الموازية لمحور السينات، هتكون سبعة وعشرين، وستة وستين، وَ ك.

ولو فرضنا إن الاتجاه الموجب لمحور السينات هيكون بالشكل ده. فهيكون عندنا مجموع القوى، الموازية لمحور السينات، هتكون سبعة وعشرين. وهيكون إشارتها موجبة؛ عشان هتكون في الاتجاه الموجب لمحور السينات. وستة وستين، وهتكون إشارتها أيضًا موجبة؛ عشان هتكون في الاتجاه الموجب لمحور السينات. وَ ك، وهتكون إشارتها سالبة؛ عشان هتكون في عكس الاتجاه الموجب لمحور السينات.

وبما إن مجموع القياسات الجبرية، للقوى الموازية لمحور السينات، بيساوي صفر. فهنساوي مجموعهم بصفر. فهيكون عندنا سبعة وعشرين زائد ستة وستين ناقص ك، بيساوي صفر. عشان نقدر نوجد قيمة ك، هنجمع ك عَ الطرفين. فهيكون عندنا ك بتساوي سبعة وعشرين زائد ستة وستين. يعني ك هتساوي تلاتة وتسعين نيوتن. ويبقى كده قدرنا نوجد قيمة ك.

وبالنسبة للقوى الموازية لمحور الصادات. فلو فرضنا إن الاتجاه الموجب لمحور الصادات، هيكون هو الاتجاه لأعلى بالشكل ده. فنقدر نستنتج أول قوة هي سبعة وخمسين. وهتكون إشارتها موجبة؛ عشان هتكون في الاتجاه الموجب لمحور الصادات. وتاني قوة هي ق. وهتكون إشارتها سالبة؛ عشان هتكون عكس الاتجاه الموجب لمحور الصادات.

ومجموع القياسات الجبرية، للقوى الموازية لمحور الصادات، بيساوي صفر. وبالتالي عشان نقدر نوجد قيمة ق، هنجمع ق على الطرفين. فهيكون عندنا ق بتساوي سبعة وخمسين نيوتن. ويبقى كده قدرنا نوجد قيمة ق، وكانت بتساوي سبعة وخمسين نيوتن. وبالتالي نكون قدرنا نوجد مقدار ق وَ ك. ق بتساوي سبعة وخمسين نيوتن، وَ ك بتساوي تلاتة وتسعين نيوتن.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.