فيديو: وصف إمكانية الأحداث

يوضح الفيديو كيفية وصْف الأحداث حسب إمكانية وقوعها، سواء كانت أكثر حدوثًا أم أقل حدوثًا، وأمثلة عليها.

٠٢:٤٢

‏نسخة الفيديو النصية

وصف إمكانية الأحداث.

في الفيديو ده هنتعلم إزاي بنوصف حدث، حسب إمكانية وقوعه. بنوصف إمكانية وقوع الأحداث المختلفة، بإنها أكثر إمكانية، أو أقل إمكانية. وده بيكون حسب فرصة حدوثها. يعني مثلًا لو هنسحب كرة من كيس، من غير ما نبصّ جوّاه. وكان الكيس جوّاه أربع كرات حمراء، وكرة واحدة خضراء. فأيّ لون فيهم هو الأكثر إمكانية إننا نسحبه؟

اللون الأحمر أو الكرة الحمراء، هو الأكثر إمكانية إن إحنا نسحبه. واللون الأخضر أو الكرة الخضراء، هي الأقل إمكانية إن إحنا نسحبها.

ننتنقل لصفحة تانية، نحل مثال. رشا بتلعب بالمكعبات بتاعتها. والمكعبات متقسّمة لِلُونين؛ أصفر، وأزرق. فرسمت جدول العلامات الإحصائية اللي هيظهر. وسحبت مكعب من الصندوق. وسجلت علامة قدام لونه. ورجعته مرة تانية. وكررت الخطوات دي عشر مرات. وسجلت النتائج في الجدول. نفتكر إن كل خمس علامات، بنرسمها بالشكل ده. من الجدول، ما هو الحدث الأكثر إمكانية، والحدث اللي أقل إمكانية؟

هنعدّ العلامات الإحصائية قدام اللون الأصفر، هنلاقيها تلات علامات. وهنعدّ العلامات اللي قدام اللون الأزرق، هنلاقيها سبع علامات. يبقى الحدث الأكثر إمكانية هو سحب مكعب أزرق. والحدث الأقل إمكانية هو سحب مكعب أصفر.

وبكده نبقى خلّصنا الفيديو ده. اللي شرحنا فيه إزاي بنوصف حدث، حسب إمكانية وقوعه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.