فيديو: ترتيب أعداد متعدِّدة الأرقام ترتيبًا تصاعديًّا

رتِّب الأعداد الموجودة على البطاقات ترتيبًا تصاعديًّا.

٠٤:٠٥

‏نسخة الفيديو النصية

رتب الأعداد الموجودة على البطاقات ترتيبًا تصاعديًّا.

هنستخدم جدول القيم المكانية عشان يساعدنا على ترتيب الأعداد بالطريقة المطلوبة مننا. مطلوب مننا نرتبهم تصاعديًّا، يعني من الصغير للكبير. هنبدأ نكتب كل عدد من الأعداد اللي عندنا ونكتب الأرقام اللي بيتكوّن منها في الخانات المكانية المختلفة. هنبتدي نشوف أول عدد، هنلاقي عندنا فيه واحد في خانة الآحاد بالشكل ده، وعندنا تمنية في خانة العشرات، وعندنا تلاتة في خانة المئات، وتمنية في خانة الألوف، وخمسة في خانة عشرات الألوف، وخمسة أخرى في خانة مئات الألوف.

بنفس الطريقة هنكتب، هنبتدي نكتب الأرقام اللي بيتكوّن منها العدد التاني في جدول القيم المكانية، هنبتدي نلاقي فيه سبعة في خانة الآحاد، ستة في خانة العشرات، تلاتة في خانة المئات، وفيه تسعة في خانة الألوف، وواحد في خانة عشرات الألوف، وتلاتة في خانة مئات الألوف.

هنبدأ نشوف العدد اللي بعده، هنلاقي عندنا صفر في خانة الآحاد، وفيه اتنين في خانة العشرات، واتنين أخرى في خانة المئات، وبعدين فيه تلاتة هتبقى في خانة الألوف، واتنين في خانة عشرات الألوف، وتسعة في خانة في مئات الألوف.

دلوقتي هنشوف آخر عدد مكتوب عندنا، ونكتب كل رقم من الأرقام اللي بيتكوّن منها في جدول القيم المكانية، هنلاقي عندنا فيه تسعة في خانة الآحاد، سبعة في خانة العشرات، وفيه أربعة في خانة المئات، وتمنية في خانة الألوف، وسبعة في خانة عشرات الألوف، واتنين في خانة مئات الألوف.

كده كتبنا كل الأعداد اللي عندنا بداخل جدول القيم المكانية، دلوقتي بقى عايزين نرتبهم ترتيب تصاعدي. لما بنقارن أي عددين ببعض، بنبتدي المقارنة من الأرقام اللي في الخانة المكانية الأكبر، يعني هنلاقي هنا أكبر خانة مكانية هي خانة مئات الألوف، يبقى هنبتدي نقارن من الخانة دي. إحنا عايزين نرتب ترتيب تصاعدي، يعني عايزين نبتدي بأقل رقم موجود في الخانة دي، هنلاقي إن عندنا هنا الاتنين هي أقل رقم، يبقى العدد اللي بيبتدي باتنين في الخانة مئات الألوف هيبقى أول عدد في ترتيبنا، وهنكتب دلوقتي العدد ميتين تمنية وسبعين ألف ربعمية تسعة وسبعين ده أول عدد في الترتيب التصاعدي للأعداد اللي مكتوبة على البطاقات.

نكمل مقارنة الأرقام الموجودة في خانة مئات الألوف، هنلاقي إن الرقم اللي أكبر مباشرةً من اتنين بعد كده هو تلاتة، يبقى نكتب العدد اللي بيبتدي بالرقم تلاتة في خانة مئات الألوف، يبقى هو ده تاني عدد عندنا في ترتيبنا، اللي هو تلتمية وتسعتاشر ألف تلتمية سبعة وستين.

لو كملنا مقارنة الأرقام الموجودة في خانة مئات الألوف، هنلاقي إن الرقم اللي بعد كده هيبقى خمسة، هو ده اللي أكبر من تلاتة، ‏وهنكتب العدد اللي بيبتدي برقم خمسة في خانة مئات الألوف، اللي هو خمسمية تمنية وخمسين ألف تلتمية واحد وتمانين، يبقى هو ده العدد اللي عليه الدور في الترتيب.

كده باقي بس عندنا العدد اللي خانة مئات الألوف بتاعته فيها تسعة، هو ده أكبر عدد، وهيبقى آخر عدد في الترتيب التصاعدي بتاعنا، اللي هو تسعمية تلاتة وعشرين ألف ميتين وعشرين.

وكده يبقى قدرنا نرتب الأعداد اللي موجودة على البطاقات اللي عندنا ترتيبًا تصاعديًّا

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.