فيديو: كتابة مجموعة جزئية من فضاء عينة يمثِّل حدثًا عند رمي عملة ثلاث مرات

أُلقيت عملة معدنية منتظمة ثلاث مرات وسُجِّلت النتائج؛ حيث تعبر ﺹ عن الصورة، ﻙ عن الكتابة. أيٌّ ممَّا يلي يُمثِّل حدث عدم ظهور صورة؟ [أ] أ = {(ﺹ، ﺹ، ﺹ)} [ب] أ = {(ﺹ، ﺹ، ﻙ)، (ﺹ، ﻙ، ﺹ)، (ﺹ، ﻙ، ﻙ)، (ﻙ، ﺹ، ﺹ)، (ﻙ، ﺹ، ﻙ)، (ﻙ، ﻙ، ﺹ)، (ﻙ، ﻙ، ﻙ)} [ج] أ = {(ﻙ، ﻙ، ﻙ)} [د] أ = {(ﺹ، ﺹ، ﺹ)، (ﺹ، ﺹ، ﻙ)، (ﺹ، ﻙ، ﺹ)، (ﺹ، ﻙ، ﻙ)، (ﻙ، ﺹ، ﺹ)، (ﻙ، ﺹ، ﻙ)، (ﻙ، ﻙ، ﺹ)}

٠٣:٢١

‏نسخة الفيديو النصية

أُلقيت عملة معدنية منتظمة ثلاث مرات، وسُجِّلت النتائج؛ حيث تعبر ﺹ عن الصورة، وَ ﻙ عن الكتابة. أيّ ممَّا يلي يُمثِّل حدث عدم ظهور صورة؟

عندنا أربع اختيارات. الاختيار الأول، أول اختيار عندنا؛ الحدث أ الذي تمثّله مجموعة النتائج: صورة صورة صورة. الاختيار التاني؛ الحدث أ تمثله مجموعة النتائج: صورة صورة كتابة، أو صورة كتابة صورة، أو صورة كتابة كتابة، أو كتابة صورة صورة، أو كتابة صورة كتابة، أو كتابة كتابة صورة، أو كتابة كتابة كتابة. الاختيار التالت؛ الحدث أ الذي تمثله مجموعة النتائج: كتابة كتابة كتابة. الاختيار الرابع؛ الحدث أ الذي تمثله مجموعة النتائج: صورة صورة صورة، أو صورة صورة كتابة، أو صورة كتابة صورة، أو صورة كتابة كتابة، أو كتابة صورة صورة، أو كتابة صورة كتابة، أو كتابة كتابة صورة.

دلوقتي معطى عندنا إن فيه عمله معدنية هنلقيها ثلاث مرات متتالية. هنسجّل النتائج، أو فضاء العينة، للتجربة اللي بنعملها دي. ومطلوب مننا نعرف إيه الحدث اللي هيمثل عدم ظهور صورة.

عدم ظهور صورة، يعني مش هنلاقي أيّ من الاحتمالات وارد فيها حرف الـ ص، اللي بيعبّر عن ظهور الصورة نهائيًّا. لو بصينا للاختيار الأول، هنلاقي إن الاختيار الأول بيعبّر عن ظهور صورة ثم صورة ثم صورة. يعني العكس؛ هيظهر الصورة تلات مرات متتالية. يبقى الاختيار ده خطأ.

ولو بصّينا للاختيار التاني، الحدث أ فيه بتظهر في الاحتمالات بتاعته صورة عدة مرات. يبقى ما ينفعش برضو يبقى الاختيار التاني هو الإجابة؛ عشان ظهرت فيه صورة على وجه العملة بضعة مرات.

أما لو بصّينا للاختيار التالت، فهنلاحظ إن الحدث أ فيه بيمثل ظهور كتابة تلات مرات متتالية. فالحدث أ في الاختيار التالت ده بيحقّق الشرط المطلوب، وهو عدم ظهور صورة.

ولو بصينا على رابع احتمال، فهنلاقي إن صورة ظهرت مرات متتالية، يبقى برضو ما بيمثلش الحدث المطلوب. يبقى الإجابة هي الحدث أ الممثل بالمجموعة اللي هيظهر فيها ظهور كتابة أول مرة على وجه العملة، يليها كتابة مرة أخرى، يليها كتابة مرة تالتة. هو ده الاحتمال اللي بيعني عدم ظهور صورة على الإطلاق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.