فيديو: معرفة إحداثيات نقطة ما بعد انتقالها

انتقلت النقطة (٣، ٥) بمقدار ثلاث وحدات لليمين وثلاث وحدات للأسفل. ما إحداثيات صورة النقطة؟

٠١:٢٨

‏نسخة الفيديو النصية

انتقلت النقطة: تلاتة، خمسة، بمقدار ثلاث وحدات لليمين، وثلاث وحدات للأسفل. ما إحداثيات صورة النقطة؟

الحركة الأفقية لليمين أو اليسار بتؤثّر في الإحداثي السيني؛ فإذا كانت لليمين، فده معناه إننا هنضيف مقدار الحركة، وإذا كانت لليسار؛ فده معناه إننا هنطرح مقدار الحركة من الإحداثي السيني.

أما الحركة الرأسية، اللي بتكون للأعلى أو الأسفل، فهي بتؤثّر في الإحداثي الصادي؛ فإذا كانت الحركة للأعلى؛ يبقى هنضيف مقدار الحركة إلى الإحداثي الصادي. وإذا كانت للأسفل؛ فهنطرح مقدار الحركة من الإحداثي الصادي.

فبما إن النقطة انتقلت من مقدار تلات وحدات لليمين؛ فده معناه إن الإحداثي السيني هيساوي الإحداثي السيني القديم، اللي هو تلاتة زائد مقدار الحركة، اللي هو تلات وحدات، يعني زائد تلاتة، وتلاتة زائد تلاتة هيساوي ستة.

أما الإحداثي الصادي فهيساوي الإحداثي القديم، اللي هو خمسة، ناقص … لأننا اتحركنا للأسفل مقدار الحركة اللي هو تلات وحدات، يعني ناقص تلاتة، وخمسة ناقص تلاتة هيساوي اتنين. تبقى إحداثيات صورة النقطة هي ستة واتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.