فيديو: التعرُّف على أوجه المجسَّمات وأنها أشكال ثنائية الأبعاد‎

يوضح الفيديو مفهوم المجسمات، والأشكال الثنائية الأبعاد، وكيفية تعرف أوجه المجسمات على أنها أشكال ثنائية الأبعاد.

٠٢:٣١

‏نسخة الفيديو النصية

في الفيديو ده هنتكلّم على التعرُّف على أوجه المجسّمات، على أنها أشكال ثنائية الأبعاد. هنتعرّف على المجسّمات، وعلى الأشكال الثنائية الأبعاد. وهنعرف يعني إيه وجه المجسّم، يبقى شكل ثنائي الأبعاد. أول حاجة هنعرفها، المجسّمات هي أشكال ثلاثية الأبعاد. بيبقى لها طول وعرض وارتفاع. يعني الشكل اللي قدامنا ده عبارة عن مكعب، فيه طول وعرض وارتفاع.

الشكل الثنائي الأبعاد بيبقى شكل مستوي له طول وعرض. زيّ المربع اللي قدامنا ده. المجسّمات اللي هي الأشكال الثلاثية الأبعاد، بيبقى لها أوجُه. يعني ده وجه. اللي هو الأسطح المستوية في المجسّم. وكل وجه ده بيبقى له شكل ثنائي الأبعاد. زيّ ما إحنا شايفين هنا المكعب اللي قدامنا ده. وجهه اللي هو الشكل الثنائي الأبعاد، بيمثّل مربع.

ولكل مجسّم، أوجُهه بتاخد شكل معيّن. وده اللي إحنا عايزين نعرفه في الفيديو ده. يعني مثلًا المخروط ومتوازي المستطيلات اللي قدامنا دول، مجسّمات، أشكال ثلاثية الأبعاد. المخروط له قاعدة، أو وجه مستوي واحد بس، ده على شكل دائرة. متوازي المستطيلات له ستة أوجُه. الوجه اللي فوق ده على شكل مستطيل. الأسطوانة اللي قدامنا دي، لها سطح مستوي هنا، وسطح مستوي تحت. وكل واحد فيهم على شكل دائرة.

في المثال اللي قدامنا ده، بيقول لنا ما هو اسم الشكل الثنائي الأبعاد المظلل في المجسّم التالي؟ المجسّم اللي قدامنا ده على شكل هرم. ووجهه المظلل ده على شكل مثلث.

اتكلمنا في الفيديو ده عن المجسّمات، والأشكال ثنائية الأبعاد. واتعرفنا على أوجُه المجسّمات على أنها أشكال ثنائية الأبعاد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.