تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام خواص الأشكال الرباعية الدائرية لحل مسألة

أحمد مدحت

في الشكل الرباعي الدائري ﺃﺏﺟﺩ، إذا كان ق⦣ﺟ = ١٢١°، فما ق⦣ﺃ؟

٠١:٣٣

‏نسخة الفيديو النصية

عندنا في المثال أ ب ﺟ د شكل رباعي دائري، وعندنا كمان إن قياس زاوية ﺟ يساوي مية واحد وعشرين درجة، وعايزين نوجد قياس زاوية أ.

أول حاجة هنرسم الشكل الرباعي الدائري أ ب ﺟ د، وهنرسم الدايرة المارّة برؤوسه الأربعة، زي ما هيظهر لنا. بعد كده عندنا من المعطيات قياس زاوية ﺟ تساوي مية واحد وعشرين درجة، فهنحط قياس زاوية ﺟ على الشكل اللي عندنا. هنلاحظ في الشكل اللي عندنا إن زاوية أ وزاوية ﺟ زاويتين متقابلتين. وبما إن في الشكل الرباعي الدائري كل زاويتين متقابلتين، متكاملتين، معنى كده إن هيبقى زاوية أ وزاوية ﺟ زاويتين متكاملتين. يعني هيبقى قياس زاوية أ زائد قياس زاوية ﺟ يساوي مية وتمانين درجة.

وإحنا عندنا إن قياس زاوية ﺟ يساوي مية واحد وعشرين درجة، فهنعوّض عن قياس زاوية ﺟ بمية واحد وعشرين درجة. فهيبقى عندنا قياس زاوية أ زائد مية واحد وعشرين درجة يساوي مية وتمانين درجة. بعد كده هنطرح من طرفَي المعادلة مية واحد وعشرين درجة، هيبقى عندنا قياس زاوية أ يساوي مية وتمانين درجة ناقص مية واحد وعشرين درجة؛ يعني قياس زاوية أ يساوي تسعة وخمسين درجة. وبكده يبقى إحنا أوجدنا قياس زاوية أ.