فيديو: امتحان الفيزياء • ٢٠١٧/٢٠١٦ • السؤال التاسع عشر أ

امتحان الفيزياء • ٢٠١٧/٢٠١٦ • السؤال التاسع عشر أ

٠٠:٥٣

‏نسخة الفيديو النصية

اذكر استخدامًا واحدًا لدائرة الرنين.

أحد أهم استخدامات دايرة الرنين، هو دايرة الاستقبال اللاسلكي. والدايرة بتبقى مكوّنة من هوائي، وملف حث، ومكثف متغيّر السعة. وملف الحث والمكثف المتغيّر السعة بيكوّنوا دايرة رنين. والدايرة دي بتبقى في حالة رنين لمّا المفاعلة الحثية بتساوي المفاعلة السعوية. وميزة تردُّد الرنين إنه بيبقى التردُّد اللي عنده معاوقة الدايرة أقل ما يمكن. فده بيخلّي دايرة الرنين تستقبل عند تردُّد واحد بس.

وهنا بتظهر ميزة المكثف متغيّر السعة. لأن تردُّد الرنين بيساوي واحد على اتنين 𝜋، في الجذر التربيعي لمعامل الحث الذاتي للملف، في سعة المكثف. فبتغيير سعة المكثف هنقدر نغيّر تردُّد الرنين. وده كده بيخلّي الدايرة تقدر تستقبل عند ترددات مختلفة. فممكن كده نقول إن دايرة الرنين بتُستخدم في أجهزة الاستقبال اللاسلكي لاستقبال تردد معيّن.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.