فيديو: استخدام التعويض في معادلة معطاة لإيجاد القيمة المطلوبة في مسألة كلامية

بدايةً من المدرسة، قطع باسم ١٠ أميال بالدراجة وتوقف عند منزل صديقه، وبعد ذلك استكمل القيادة في نفس الاتجاه السابق. المعادلة ﻑ = ﻡ + ١٠ توضح العلاقة بين عدد الأميال ﻡ التي قطعها بعد مغادرة منزل صديقه والمسافة ﻑ التي يبعُدها عن المدرسة. إذا انتهى بقطع ٣٢ ميلًا من مدرسته، فكم يبعُد عن منزل صديقه؟

٠١:٥١

‏نسخة الفيديو النصية

بدايةً من المدرسة، قطع باسم عشر أميال بالدراجة، وتوقف عند منزل صديقه. وبعد ذلك استكمل القيادة في نفس الاتجاه السابق. والمعادلة ف تساوي م زائد عشرة بتوضّح العلاقة بين عدد الأميال م التي قطعها بعد مغادرة منزل صديقه، والمسافة ف التي يبعدها عن المدرسة. إذا انتهى بقطع اتنين وتلاتين ميلًا من مدرسته، فكم يبعد عن منزل صديقه؟

عندنا في المثال المعادلة: ف تساوي م زائد عشرة بتوضّح العلاقة بين عدد الأميال اللي بنرمز لها بالرمز م، اللي قطعها باسم بعد مغادرة منزل صديقه، والمسافة اللي بنرمز لها بالرمز ف، واللي بيبعدها باسم عن المدرسة. وعندنا في المثال إن باسم انتهى بعد ما قطع اتنين وتلاتين ميل من مدرسته. معنى كده إن باسم بيبعد عن مدرسته اتنين وتلاتين ميل. وده معناه إن ف تساوي اتنين وتلاتين ميل.

وإحنا عايزين نوجد كم يبعد باسم عن منزل صديقه. يعني عايزين نوجد قيمة م، اللي بتمثّل عدد الأميال اللي قطعها باسم بعد مغادرة منزل صديقه. وده لمّا تبقى المسافة اللي بيبعدها باسم عن المدرسة، واللي بنرمز لها بالرمز ف، تساوي اتنين وتلاتين ميل.

فهنستخدم المعادلة اللي عندنا. والمعادلة هي: ف تساوي م زائد عشرة. وإحنا عندنا ف تساوي اتنين وتلاتين ميل. فهنعوّض عن ف في المعادلة اللي عندنا باتنين وتلاتين. فلمّا هنعوّض، هيبقى عندنا اتنين وتلاتين يساوي م زائد عشرة. بعد كده هنحلّ المعادلة دي؛ علشان نوجد قيمة م. فهنطرح من طرفَي المعادلة دي عشرة. فلمّا هنطرح من طرفَي المعادلة عشرة، هنلاقي م تساوي اتنين وعشرين. وده معناه إن عدد الأميال اللي قطعها باسم بعد مغادرة منزل صديقه هي اتنين وعشرين ميل.

بكده باسم هيبعد عن منزل صديقه اتنين وعشرين ميل. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.