فيديو: خواص المستطيل والمربع

اذكر الشكل الرباعي الذي كل أضلاعه المتجاورة متعامدة.

٠١:٥٠

‏نسخة الفيديو النصية

اذكر الشكل الرباعي الذي كل أضلاعه المتجاورة متعامدة.

هنبص على مجموعة الأشكال الرباعية اللي قدامنا دي، هنلاقي إن الشكل الأول ده متوازي أضلاع اللي هي كل شروطه إن يبقى فيه كل ضلعين متقابلين بيبقوا متوازيين، وفي نفس الوقت بيبقوا متساويين في الطول.

الشكل التاني اللي عندنا ده حالة خاصة من حالات متوازي الأضلاع، بيزيد عليه إن أضلاعه الأربعة بيبقوا متساويين، يعني بيتحقق فيه شروط التوازي لكل ضلعين متقابلين، بس في نفس الوقت جميع أضلاعه ليها نفس الطول.

أما الشكل التالت اللي قدامنا ده فاسمه شبه منحرف، وده بيبقى فيه شرط واحد بس عشان يصبح شبه منحرف وهو إن فيه ضلعين فقط متوازيين.

أما الشكل الرابع فده مربع، وهو بيعتبر حالة خاصة من حالات متوازي الأضلاع، بيفرق إيه؟ إن هو جميع أضلاعه متساوية زي المعيّن، بس بيختلف عن المعيّن بإن جميع زواياه الداخلية تسعين درجة؛ يعني جميع زواياه قوائم.

أما المستطيل فهو كمان حالة خاصة من حالات متوازي الأضلاع، وبينطبق عليه شروط إن كل ضلعين متقابلين متوازيين ومتساويين، وإمتى بقى بيصبح مستطيل مش متوازي أضلاع؛ لمّا تبقى الزوايا الداخلية كلها بتساوي … كل واحدة منهم تسعين درجة، يعني جميع زواياه قوائم.

يبقى بالتالي الأشكال الرباعية اللي بتحقق لنا إن كل أضلاعها المتجاورة متعامدة هي المربع والمستطيل، كل ضلع فيهم بيبقى متعامد على الضلع المجاور ليه، عشان هي من شروطها إن جميع زواياها الداخلية قوائم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.