فيديو: اختبار المقادير المتساوية عن طريق تكوين العدد ١٠

أوجد العدد الناقص. ١٦ − ٥ = _ + ١

٠١:٤٢

‏نسخة الفيديو النصية

أوجد العدد الناقص: ستاشر ناقص خمسة تساوي نقط زائد واحد.

عاوزين نعرف العدد الناقص اللي المفروض يبقى مكان النقط هنا، هو إيه. فعلشان نعرفه، أول حاجة هنعملها هي إننا هنحسب ستاشر ناقص خمسة. لمّا نيجي نحسب ستاشر ناقص خمسة، أول حاجة هنعملها هنقول ستة ناقص خمسة؛ اللي هو طرح الآحاد. فهنطلّع ست صوابع على إيدينا، ونشيل منهم خمسة. هنشيل الخمس صوابع دول، هيتبقّى لنا الصباع ده بس. فده معناه إن ستة ناقص خمسة بتساوي واحد. أمّا الواحد ده، اللي هو موجود في خانة العشرات، هينزل زيّ ما هو. فده معناه إن ستاشر ناقص خمسة بتساوي حداشر.

طيب هي الحداشر دي، عبارة عن إيه؟ عبارة عن واحد وواحد. الواحد ده في خانة الآحاد. والواحد التاني في خانة العشرات. فده معناه إن قيمة الواحد اللي في خانة الآحاد هي واحد. أمّا الواحد اللي في خانة العشرات قيمته عشرة. فده معناه إن الحداشر هي واحد زائد عشرة. فلمّا نيجي بقى نبصّ على السؤال بتاعنا، ونشوف ستاشر ناقص خمسة تساوي نقط زائد واحد. مش إحنا قلنا ستاشر ناقص خمسة هي حداشر؟ وحداشر هي واحد زائد عشرة؟ فده معناه إن ستاشر ناقص خمسة بتساوي عشرة زائد واحد، اللي هي برضو حداشر. فكده نكون كمّلنا العدد الناقص، واللي هو العشرة. فتبقى الإجابة الصح هي عشرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.