فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال الثلاثون أ

امتحان الفزياء الدور الثاني للعام السابق • ٢٠١٨/٢٠١٧ • السؤال الثلاثون أ

٠١:٣١

‏نسخة الفيديو النصية

علل: تُستخدم المحولات الكهربية الرافعة للجُهد في محطات توليد الطاقة لنقل الطاقة الكهربية من محطات التوليد إلى مناطق التوزيع.

معنى إن المحوّلات الكهربية رافعة للجهد؛ إن فرق الجهد اللي خارج منها أكبر من فرق الجهد اللي داخل لها. ولو افترضنا إن ما فيش قدرة بتُفقد في المحول، فالقدرة اللي داخلة للمحول هي نفس القدرة اللي هتخرج منه. وبما إن القدرة الكهربية بتساوي فرق الجهد في التيار، فممكن نقول إن لو ما فيش أي قدرة مفقودة في المحول، القدرة بتفضل رقم ثابت بعد ما تخرج من المحول. فده معناه إن لو فرق الجهد اللي خارج من المحوّل أكتر من اللي داخل؛ فعلشان يفضل حاصل ضرب الـ 𝑉 في الـ 𝐼 قيمة ثابتة، لازم شدّة التيار اللي خارجة تبقى أقل من اللي داخلة.

فنقدر نقول إن المحول الرافع للجهد بيقلل التيار اللي خارج منه. فالمحولات الكهربية الرافعة للجهد بتُستخدم في محطات توليد الطاقة؛ لأن لما نيجي ننقل الطاقة من محطات التوليد ومناطق التوزيع، السلوك اللي بتنقل الطاقة الكهربية بتبقى طويلة جدًّا. فلو بصّينا للقدرة الحرارية المفقودة فيها، هنلاقيها بتساوي شدّة التيار تربيع مضروب في قيمة مقاومة السلك. فده معناه إن القدرة المفقودة بتعتمد على مربع شدّة التيار. يعني لما نقلِّل شدّة التيار، القدرة المفقودة هتقلّ كتير جدًّا. فنقدر كده نقول إن سبب استخدام المحولات الكهربية الرافعة للجهد في محطات توليد الطاقة، إن المحول الرافع للجهد يكون خافضًا لشدة التيار. فلا تُفقد طاقة كهربية في الاسلاك أثناء عملية النقل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.