فيديو: تحويل السعات من الباينت إلى الأكواب

أكمل: ٣٤٨ باينت = _‎ ‎كوب.

٠١:٢٠

‏نسخة الفيديو النصية

أكمل: تلتمية تمنية وأربعين باينت يساوي، نقط، كوب.

في المثال ده، عايزين نعرف التلتمية تمنية وأربعين باينت بيكافئ كام كوب. وبالتالي هنشوف الأول إيه هي العلاقة اللي بتربط بين الوحدتين دول. هنعرف إن الواحد باينت بيكافئ اتنين كوب. وباينت هي الوحدة الأكبر. وبالتالي علشان نحوّلها للوحدة الأصغر، اللي هي الكوب، هنستخدم العملية اللي بيحصل فيها مضاعفات للعدد، واللي هي عملية الضرب.

وبكده هنضرب تلتمية تمنية وأربعين في اتنين. هنضرب تمنية في اتنين بيساوي ستاشر. هنكتب ستة تحت خانة الآحاد، وهنضيف واحد لأرقام خانة العشرات. أربعة في اتنين بيساوي تمنية، وهنضيف عليهم الواحد، فهيساوي تسعة. بعد كده التلاتة في خانة المئات هنضربها في اتنين، فهيساوي ستة. حاصل الضرب هو العدد ستمية ستة وتسعين. وهو ده العدد اللي هنكتبه مكان النقط.

وبكده هتكون العبارة اللي عندنا هي: إن التلتمية تمنية وأربعين باينت بيكافئ ستمية ستة وتسعين كوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.