فيديو: تحديد القيمة المكانية لرقم في عدد

ما القيمة المكانية للرقم ٢ في العدد ٦١‎٠٢٥؟

٠١:٠٦

‏نسخة الفيديو النصية

ما القيمة المكانية للرقم اتنين في العدد واحد وستين ألف خمسة وعشرين؟

هنستخدم جدول القيم المكانية؛ عشان نحدِّد القيمة المكانية للرقم اتنين في العدد واحد وستين ألف خمسة وعشرين.

بنبدأ بأول رقم على اليمين، اللي هو الخمسة ده. بيبقى موجود في خانة الآحاد. يبقى هنحطّ الرقم خمسة في خانة الآحاد. بعد كده الرقم اللي يليه على طول، اللي هو الاتنين. ده بيبقى في خانة العشرات. اللي بعده بيبقى خانة المئات. يبقى خانة المئات فيها صفر. واللي بعده، اللي هو الرقم واحد، ده بيبقى في خانة الألوف. والرقم اللي بعد كده بيبقى في خانة عشرات الألوف. يبقى الستة دي خانة عشرات الألوف.

دلوقتي إحنا مطلوب مننا نحدّد القيمة المكانية للرقم اتنين. هنلاقي إن الرقم موجود في خانة العشرات. ويبقى كده قدرنا نحدّد القيمة المكانية للرقم اتنين في العدد واحد وستين ألف خمسة وعشرين. وهي هتبقى: العشرات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.