فيديو: فهم تعريف المضلعات

ما العبارة الصحيحة التي تُعبِّر عن هذه الأشكال؟ [أ] كل الأشكال مضلعات [ب] يوجد مضلع واحد [ج] لا يوجد أي مضلع [د] يوجد مضلعان

٠١:٥٩

‏نسخة الفيديو النصية

ما العبارة الصحيحة التي تعبّر عن هذه الأشكال؟ الاختيار الأول: كل الأشكال مضلعات. الاختيار التاني: يوجد مضلع واحد. الاختيار التالت: لا يوجد أي مضلع. الاختيار الرابع: يوجد مضلعان.

مبدئيًّا نفتكر مع بعض هو إيه هو المضلع؛ المضلع هو شكل مغلق، بيتكوّن من مجموعة من القطع المستقيمة، كل قطعة منها بنسمّيها ضلع؛ فبالتالي القطع المستقيمة دي كلها اسمها أضلاع، والشكل بنطلق عليه المضلع، كده افتكرنا إيه هو المضلع. خلّينا نشوف الأشكال اللي عندنا إذا كانت بتتكوّن فعلًا من مجموعة من القطع المستقيمة ولا لأ؛ هنبصّ مثلًا على أول شكل اللي قدامنا ده، الشكل ده بيتكوّن من تلات أضلاع، أو تلات قطع مستقيمة: واحد، اتنين، تلاتة؛ يبقى فعلًا الشكل ده مضلع.

خلّينا نشوف الشكل اللي بعده؛ آدي قطعة مستقيمة، دي كمان قطعة مستقيمة، والصغيرة دي قطعة مستقيمة، وهكذا ده قطعة مستقيمة، كمان قطعة مستقيمة، ودي قطعة مستقيمة، ودي قطعة مستقيمة؛ يبقى فعلًا الشكل ده بيتكون من مجموعة من القطع المستقيمة، أو مجموعة من الأضلاع؛ وبالتالي هنسمّيه مضلع.

دلوقتي هنشوف آخر شكل عندنا؛ دلوقتي ده ضلع أو قطعة مستقيمة، أمّا الجزء ده فمش قطعة مستقيمة، وما أقدرش أسمّيه ضلع؛ يبقى بالتالي الشكل ده ما أقدرش أسمّيه مضلع؛ لأنه ما بيتكوّنش من مجموعة من القطع المستقيمة. يعني دي قطعة مستقيمة، والجزء ده برضو مش قطعة مستقيمة؛ يبقى مش كله بيتكوّن من مجموعة من القطع المستقيمة، فما أقدرش أسمّيه مضلع؛ فيبقى الشكل ده ليس مضلعًا.

ويبقى الاختيار الصحيح إن الأشكال اللي عندنا دول يوجد فيهم مضلعان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.