فيديو: امتحان الفزياء للعام السابق • ٢٠١٨/٢٠١٧ • السؤال الثامن عشر

امتحان الفزياء للعام السابق • ٢٠١٨/٢٠١٧ • السؤال الثامن عشر

٠١:٣٨

‏نسخة الفيديو النصية

وُصِّل ملفّ حثّ مفاعلته الحثية تمانين أوم. ومكثِّف مفاعلته السعوية ستين أوم. ومقاومة قيمتها عشرين أوم. على التوالي مع مصدر تيار متردِّد في دائرة مغلقة. احسب زاوية الطور بين الجهد والتيار في الدائرة.

ففيه ملف حثّ مفاعلته الحثِّيَّة تمانين أوم. ومكثِّف مفاعلته السعويَّة ستين أوم. ومقاومة قيمتها عشرين أوم. متوصّلين على التوالي مع مصدر تيار متردِّد. والمطلوب حساب زاوية الطور بين الجهد والتيار.

فلو فيه ملفّ ومكثِّف ومقاومة أومية متوصّلين على التوالي، فرق الجهد اللي على المقاومة بيبقى ماشي مع التيار. أمَّا فرق الجهد اللي على طرفين الملف، فبيبقى سابق التيار بتسعين درجة. وفرق الجهد اللي على المكثِّف، فيبقى متأخَّر عن التيار بتسعين درجة. وبالتالي لمَّا بنجمع فروق الجهد كمتجهات فرق الجهد الكلِّي اللي على الدايرة بيعمل زاوية مع التيار اللي في الدايرة. والزاوية دي هي اللي اسمها زاوية الطور. وَ tan الزاوية 𝜃 بيساوي المفاعلة الحثِّيَّة ناقص المفاعلة السعويَّة مقسومين على قيمة المقاومة الأومية.

فممكن نجيب زاوية الطور عن طريق إن إحنا ناخد الدالة العكسية للـ tan لطرفين المعادلة. ولمَّا نعوض بالقيم، هنلاقي إن الزاوية 𝜃 بتساوي الدالة العكسية للـ tan لتمانين اللي هي قيمة المفاعلة الحثية. ناقص ستين اللي هي قيمة المفاعلة السعوية. مقسومين على عشرين اللي هي قيمة المقاومة الأومية. يعني 𝜃 بتساوي الدالة العكسية للـ tan لواحد، اللي بتساوي خمسة وأربعين درجة.

وبكده نبقى عرفنا نحسب زاوية الطور بين الجهد والتيار في دايرة متوصّل فيها ملفّ حثّ ومكثِّف ومقاومة أومية. متوصّلين على التوالي في دايرة تيار متردِّد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.