فيديو: فَهْم التطابُق

أيُّ شكلين من الأشكال الآتية متطابقان؟ [أ] شكل أ [ب] شكل ب [ج] شكل ج

٠٢:١٦

‏نسخة الفيديو النصية

أيّ شكلين من الأشكال الآتية متطابقان؟

الشكلين بيتطابقوا لو كان ليهم نفس الشكل بنفس أطوال الأضلاع؛ يعني تقريبًا حجمهم زي بعض متطابقين؛ يعني لو حطيتهم فوق بعض، هيبقوا صورة من بعض، قدّ بعض بالظبط في كل حاجة.

خلينا نبتدي نقارن كده الشكل أ بالشكل ب من ناحية أطوال الأضلاع؛ هنلاقي إن ده الضلع ده: آدي وحدة، اتنين، تلاتة؛ الضلع ده طوله تلات وحدات. هنتنقل للشكل ب، ونشوف الضلع المناظر للضلع ده طوله قدّ إيه؛ لو جينا نعدّ الأجزاء: آدي وحدة، اتنين، تلاتة، أربعة؛ يبقى الضلع ده طوله أربع وحدات؛ يبقى في الشكلين أ وَ ب عندنا الضلعين اللي فوق دول مالهومش نفس الطول؛ يبقى كده من غير ما نكمّل مش هنقدر نقول: إن الشكل أ والشكل ب إنهم شكلين متطابقين.

طب هنبتدي نقارن الشكل أ بالشكل ﺟ؛ هنشوف طول الضلع اللي فوق في الشكل ﺟ، ونعدّ الوحدات اللي بتمثل طول الضلع: واحد، اتنين، تلاتة؛ كده طول الضلع اللي فوق في الشكل أ بيساوي طول الضلع اللي فوق في الشكل ﺟ. نكمّل ونشوف الارتفاع أو الضلع اللي في الجنب؛ هنعدّ الوحدات اللي بتمثل طول الضلع ده في الشكل أ: واحد، اتنين، تلاتة، أربعة؛ يبقى في الشكل أ طول الضلع ده أربع وحدات.

إحنا أصلًا استبعدنا الشكل ب إنه يبقى متطابق مع الشكل أ، إحنا دلوقتي بنشوف الشكل أ والشكل ﺟ؛ فهنشوف طول الضلع الجانبي ده اللي في الشكل ﺟ: واحد، اتنين، تلاتة، أربعة؛ طول الضلع ده أربع وحدات، يبقى عندنا فيه مستطيلين؛ الشكل أ والشكل ﺟ، بيمثلوا مستطيلين، الطول والعرض بتاعهم متطابق، أطوال أضلاعهم بالتالي متطابقة، هم نفس الشكل، مستطيل؛ بالتالي نقدر نقول: إن الشكل أ والشكل ﺟ دول شكلين متطابقين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.