فيديو: إيجاد قياس الزاوية باستخدام المنقلة

على أيِّ الرسوم البيانية الآتية رُسِمت النقطة ﺙ (١، ٩)؟ [أ] شكل أ [ب] شكل ب [ج] شكل ج [د] شكل د

٠٢:٤١

‏نسخة الفيديو النصية

على أي الرسوم البيانية الآتية رُسمت النقطة ث الممثلة بالزوج المرتب واحد وتسعة؟

هنبتدي بالشكل أ، ونشوف النقطة ث الموجودة في الشكل ممثلة بإحداثيات إيه. إحنا لمّا بنيجي نشوف إحداثيات أي نقطة، أي نقطة ليها إحداثيين، اللي هم س وَ ص، هنشوف على كل شكل ث الإحداثيات بتاعها هتبقى إيه.

هنشوف في الشكل الأول النقطة ث بتناظر واحد على محور السينات، وواحد على محور الصادات؛ يبقى الإحداثي السيني بتاعها واحد، والصادي كمان واحد. الإحداثيات اللي إحنا طلعناها دي مش هي نفس إحداثيات النقطة ث، أو ث، اللي موجودة في السؤال، يبقى الشكل أ ده مش هو الشكل اللي بيمثل النقطة المطلوبة.

دلوقتي هنشوف الشكل ب، عايزين نشوف إحداثيات النقطة ث في الشكل ده، هنلاقي إن النقطة ث بيناظرها واحد في محور السينات وتسعة في محور الصادات، يعني نقدر نكتب إحداثيات النقطة ث في الشكل ده بإنها واحد وتسعة. لو قارنّا إحداثيات النقطة اللي وصلنا لها في الشكل ده، هنلاقيها متطابقة مع إحداثيات النقطة ث الموجودة في السؤال؛ يبقى الشكل ب بتمثل عليه النقطة ث فعلًا بالإحداثيات المطلوبة.

دلوقتي هنشوف الشكل ج، هنلاقي إن النقطة ث بيناظرها تسعة في محور السينات أو الإحداثي السيني وتسعة في محور الصادات، يعني ده معناه إن النقطة ث إحداثياتها تسعة وتسعة. والإحداثيات دي مختلفة عن إحداثيات النقطة المذكورة في السؤال، يبقى الشكل ج لا يمثل النقطة كما ذُكر في السؤال.

دلوقتي هنشوف الشكل د وإحداثيات النقطة ث فيه، هنلاقي إن ث بتقابل تسعة في محور السينات وواحد في محور الصادات، يعني إحداثيات النقطة ث هتبقى تسعة وواحد، اللي هي مختلفة عن الإحداثيات المعطاة في السؤال، يبقى الشكل د هو كمان لا يمثل النقطة ثاء كما ذُكرت في إحداثياتها في السؤال؛ يبقى الشكل اللي بيمثل الإجابة الصحيحة هو الشكل ب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.