فيديو: استخدام القِيَم المكانية لتقريب الأعداد

أيٌّ من الأعداد الآتية أقرب للعدد ١٦‎٠٠٠؟ [أ] ١٦‎١١١ [ب] ١٥‎٩٠٠ [ج] ١٥‎٩٩٠ [د] ١٦‎٠٠١

٠٢:٠١

‏نسخة الفيديو النصية

أي من الأعداد الآتية أقرب للعدد ستاشر ألف؟ الاختيار الأول: ستاشر ألف مية وحداشر. الاختيار التاني: خمستاشر ألف وتسعمية. الاختيار التالت: خمستاشر ألف تسعمية وتسعين. الاختيار الرابع: ستاشر ألف وواحد.

لو جينا نقارن العدد اللي عندنا اللي هو ستاشر ألف بأول اختيار من الاختيارات المتاحة. ستاشر ألف، والاختيار الأول ستاشر ألف مية وحداشر. يعني واضح إن الفرق بينهم هو مية وحداشر.

دلوقتي عايزين نقارن العدد اللي عندنا اللي هو ستاشر ألف، بالاختيار التاني اللي هو خمستاشر ألف وتسعمية. خمستاشر ألف وتسعمية، زي ما واضح كده لو زوّدنا مية فهتصبح ستاشر ألف. يبقى الفرق بينها وبين العدد المُعطى اللي عندنا هو مية.

دلوقتي هنقارن العدد اللي عندنا بالاختيار التالت اللي هو خمستاشر ألف تسعمية وتسعين. خمستاشر ألف تسعمية وتسعين، لو زودنا عليها عشرة هتصبح ستاشر ألف. فيبقى الفرق بين خمستاشر ألف تسعمية وتسعين، وستاشر ألف؛ هو عشرة.

دلوقتي هنقارن العدد اللي عندنا بآخر اختيار، اللي هو ستاشر ألف وواحد. لمّا نقارن ستاشر ألف، وستاشر ألف وواحد؛ هنلاحظ إن العددين فيهم نفس الأرقام من أول الخانة المكانية الخاصة بعشرات الألوف، وخانة الألوف، وبعدين خانة المئات، وخانة العشرات. المختلف بس خانة الآحاد، يفرق فيها إن الاختيار الأخير اللي عندنا بيزيد بمقدار واحد عن العدد المُعطى اللي موجود.

يبقى أقرب عدد من الأعداد اللي في الاختيارات اللي قدامنا لستاشر ألف، هو العدد الأخير. الفرق بينه وبين ستاشر ألف هو واحد فقط. يبقى أقرب عدد للعدد ستاشر ألف هو ستاشر ألف وواحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.